Zeremii 44:1 - LAWA A BOO SONBORE

¹ Dɛnaa Lawa boo da Zeremii ni. Zudaa minin mɛnɛn nə goã giã-n Ezipti gána nɛ, a n boo diɛ bɛn wɔ paǹ li, Migdɔli minin ni, Tapanɛsi wɔn nɛ, Mɛmifisi wɔn nɛ ka Patɔrɔsi gána minin ni. Zeremii tɔn pɛ ǹ nɛ:

LAWA A BOO SONBORE 2011

¹ Dɛnaa Lawa boo da Zeremii ni. Zudaa minin mɛnɛn nə goã giã-n Ezipti gána nɛ, a n boo diɛ bɛn wɔ paǹ li, Migdɔli minin ni, Tapanɛsi wɔn nɛ, Mɛmifisi wɔn nɛ ka Patɔrɔsi gána minin ni. Zeremii tɔn pɛ ǹ nɛ:

Zeremii 44:1 ပူးပေါင်းရင်းမြစ်များ

Siin Giala 10:14

Patrɔsi minin ni, ka Kasloa minin ni, ka Kafutɔɔrɔ minin ni, Filisiti minin nə bɔ ǹ mɛnɛn nɛ.

Bɔ bɛ̀rɛbaa nɛ 14:2

«A pɛ Izirayeli nɛnyaanan lɛn manɛ, mà ǹ nə n lɛ goa ǹ da gole Piayirɔti kiwi yɔrɔ-a, Migdɔli kiwi laanka tà bii ni. Ǹ giã walan Bali-Sefɔn yɔrɔ-a gɔrɔ, kunu tà lɛ ganaa.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 19:13

Gàãn na á yoo Soan kiwi a kiãn li. Mɛmifisi kiwi a kiãn man siɛ̃. Ǹ tanlɛn kiãn man Ezipti gána diɛ zii baraa la.

Zeremii 2:16

Haalɛ Mɛmifisi minin laanka Tapenɛsi minin ná a mìi kɔɔ̃.

Zeremii 24:8

«Á bǐɛ̃ kɔ! Masɛ Dɛnaa Lawa bɛ́ boo mɛn diɛ Zudaan kii Sedekiasi a paǹ li, a gána nyɛɛnaandɛnan nɛ, min mɛnɛn nə goã Zeruzalɛmu ka ǹ mɛnɛn bɛ́ giã-n Ezipti gána nɛ, á ke: Man die ǹ kuĩ we ka gɔ́rɔ nɛ ziziɛ̃ wole kɛ bɛ́ lɔn, min na a boe la á bii wa.

Zeremii 43:13

Á re dì nyínin yɔyɔrɛ Bɛti-Semɛsi kiwi, a tɛ da Ezipti a dì kionən ganaa.»

Zeremii 44:15

Min mɛn tumaa goã giã-n Ezipti gána nɛ Patɔrɔsi kiwi, giĩn mɛnɛn tumaa goã doɛ̃ mà ǹsɛn lɔn tá da yon gìĩ kɔɔ̃n tiɛ̃ dì soreen wɔ lɛa, bɛn tumaa goã ǹ tan, ka lɔ damata nɛ. Ǹ nə́ pɛ Zeremii ni:

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»

Zeremii 46:19

Ezipti minin, ka kaa dúgun yii. A giala Mɛmifisi kiwi n die nyɛ́ɛ da ǹ bǎã biɛ. A n die ziziɛ̃ lenlen, min kɔn ná a giɛ̃ a-n wa.

Ezekieli 29:10

«Bɛ lɛ n ke, ma á re die n laanka n tà lɛ gialaa. Ma á re Ezipti gána lɛ biɛ kɛbɔlɔ lɛa, kɛbɔlɔ kooro lɛa, a saa Migidɔli ganaa, yǎa Siyɛni kiwi, a wo yǎa Etiopii gèlè la.

Ezekieli 29:14

Ma á re wusii ma da ka Ezipti a kòso nɛn lɛn nɛ. Ma á re die ǹ ne Ezipti gána a gusin a lɛ̀gɔn la, ǹ yɛ ǹ gána nɛ. Ǹ tá re giɛ̃ walan, ǹ gána boɛɛn koa.

Ezekieli 30:13

Masɛ Dɛnaa Lawa a boo á ke: Ma á re ǹ dì kɛn yɔyɔrɛ, màn kooron kɛn ǹ tá ǹ guguru koe, ma á re bɛn papaɛ̃ ma ǹ bɔ Manfisi kiwi, kii a re yii a giã Ezipti gána mìi la doo wa. Ma á re nyɛ́ɛ kiɛ Ezipti gána lɛ nɛ.

Ezekieli 30:14

Man die Ezipti gána a gusin a lɛ̃ gɔn la kɛ ziziɛ̃, ma tɛ kaa Soan kiwi kɛ ganaa, ma dɔlɔ bɔ Tɛbu kiwi kɛ ganaa.

Ezekieli 30:16

Ma á re tɛ diɛ Ezipti gána kɛ ganaa, Sini kiwi na a là-paparɛɛ wɔ. Ma á re wɔ ǹ bǎã boe Tɛbu kiwi kɛ ganaa, zɔ́ɔn nə kaa Manfisi kiwi penleen tiɛɛ̃nɛ.

Ezekieli 30:18

Bɛ̀ má Ezipti minin pàã kɛ ziziɛ̃ ǹ mɛn pinaa, wɔlɔ a re fúli Tapanɛsi bɛa pinaa wa. Ǹ pàã mɛn lɛ á ke toɛ ǹ tá n dinin gole koe, ma á re bɛ lɛ nyɛɛ ma bɔ kiwi lɛ nɛ. Labara tì á re n kumii kiwi lɛ ganaa, bǎã lɛ a minin tá re woe bɛ̀rɛbaa ǹ bǎã nɛ.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.