Zeremii 43:2 - LAWA A BOO SONBORE

² Osayia a nɛgiĩ Azaria nɛ, Kareya a nɛgiĩ Zoanan nɛ ka din koa wolen tɛnɛn nɛ, ǹ nə́ pɛ Zeremii-n kɛnɛn: «Soɛ nɛ n tá boe. Dɛnaa Lawa, wɔa Lawa nə n dia mà n da pɛ wɔ nɛ mà wɔ nyan wo gùli kɔ Ezipti gána-n wa.

LAWA A BOO SONBORE 2011

² Osayia a nɛgiĩ Azaria nɛ, Kareya a nɛgiĩ Zoanan nɛ ka din koa wolen tɛnɛn nɛ, ǹ nə́ pɛ Zeremii-n kɛnɛn: «Soɛ nɛ n tá boe. Dɛnaa Lawa, wɔa Lawa nə n dia mà n da pɛ wɔ nɛ mà wɔ nyan wo gùli kɔ Ezipti gána-n wa.

Zeremii 43:2 ပူးပေါင်းရင်းမြစ်များ

Siin Giala 19:14

Lɔti soo á woo boo da ǹ daãn nɛ, min mɛnɛn bɛ́ mà maǹ die a nɛlɔn we lɔ lɛa. Á pɛ ǹ nɛ: «Haya, ka yoo! Ka soo ka n bɔ bǎã lɛ nɛ, a giala, Dɛnaa n die kiwi lɛ yui.» Sɛnɛ, ǹ daãn lɛn yii li, maǹ pii mà a n sàn koe.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Loen 119:21

Ń yoo din gole-kɔlen kɛn gialaa, ǹ bɛ́ ǹ nə́ kanaa ǹ nə́ n dí-pɛn toa walan, bɔ̀n tá re ǹ yii.

Loen 12:3

Maǹ soɛ kukuri kɔn nɛ. Ǹ lɛ gɔ́ɔ̃ yii n kɔn bebele ǹ boo. Ǹ ba boo diɛ ǹ nə́ n gɔ́ɔ̃ toɛ̃ wa.

Loen 123:4

Á la wɔ yii ni, á wɔ gɔ̀nɔn bɔ. Din-yɛlen man wɔ diɛ yaa lɛa, din-koalin man wɔ tɔ ziziɛ̃.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Izayii 9:8

Zaman tumaa tá a siére-a, Efrayimu ni ka Samarii minin ni. Maǹ nə́ goã pii ka din koa laanka din gole kɔ-n kɛnɛn:

Zeremii 13:15

Ka n too kɔ, ka n too da. Ka nyan nə n dinin koa wa. Dɛnaa Lawa n boo diɛ ka ka nɛ.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Zeremii 41:16

Bɛ kio, min mɛnɛn yii goã koo Netania a nɛgiĩ Isimayeli a wo bɛ̀rɛbaa ǹ bǎã-n wolen lɛn bii, Isimayeli a Ayikaamu a nɛgiĩ Gedalia dɛ kio Mispaa, Kareya a nɛgiĩ Zoanan laanka a sɔraasin nyɛɛnaandɛnan nə́ bɔ ka bɛn nɛ Gabawɔ̃ ǹ nə́ ǹ sɔkɔn. Giĩn ni goã ǹ tan sɔraasin lɛa, lɔn nɛ, nɛnyaanan nɛ, ka kii a sumu dí-nyalin ni.

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Zeremii 42:1

Sɔraasin nyɛɛnaandɛnan kɛn tumaa kɔnlɛ ka Kareya a nɛgiĩ Zoanan nɛ, Osayia a nɛgiĩ Yazania nɛ, ka min mɛnɛn nə goã ǹ tan, a kũ nɛnyaanan ganaa a wo min golen yaa,

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 42:5

Ǹ nə́ pɛ Zeremii ni: «Dɛnaa Lawa, n Lawa bɛ́ re boo mɛn diɛ n nɛ, wɔ á re koe bɛ lɛ ka te. Dɛnaa Lawa die a n baa wɔa lɛ-kɔ lɛ a siére lɛa, siére taãn lɛa.

Zeremii 43:1

Dɛnaa Lawa, ǹ Lawa boon mɛnɛn pɛ Zeremii ni Zaman lɛ wɔ lɛa, Zeremii bɛ́ á bɛn pɛ á nya lɔn,

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»