Zeremii 42:5 - LAWA A BOO SONBORE

⁵ Ǹ nə́ pɛ Zeremii ni: «Dɛnaa Lawa, n Lawa bɛ́ re boo mɛn diɛ n nɛ, wɔ á re koe bɛ lɛ ka te. Dɛnaa Lawa die a n baa wɔa lɛ-kɔ lɛ a siére lɛa, siére taãn lɛa.

LAWA A BOO SONBORE 2011

⁵ Ǹ nə́ pɛ Zeremii ni: «Dɛnaa Lawa, n Lawa bɛ́ re boo mɛn diɛ n nɛ, wɔ á re koe bɛ lɛ ka te. Dɛnaa Lawa die a n baa wɔa lɛ-kɔ lɛ a siére lɛa, siére taãn lɛa.

Zeremii 42:5 ပူးပေါင်းရင်းမြစ်များ

Siin Giala 31:50

Bɛ̀ ń fuu nyaa maa nɛlɔn kɛn nɛ, bɛ̀ ń lɔ kɔsɔn goa n ti ǹ ganaa, haalɛ ta min ba wɔ li siére lɛa wa, Lawa n siére lɛa wɔ bii ni.»

Bɔ bɛ̀rɛbaa nɛ 20:19

Ǹ nə́ pɛ Muizu ni: «N din boo da wɔ nɛ, wɔ á re miɛ̃. Lawa baran boo da wɔ-n wa, bɛ bie wa, wɔ á re giɛ̃.»

Bɔ bɛ̀rɛbaa nɛ 20:7

- N baran n Dɛnaa Lawa tɔ bíi sii kooron ganaa wa. A giala, masɛ Dɛnaa ba bɛa min kɛ toɛ dɔlɔ baã wa.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 43:2

Osayia a nɛgiĩ Azaria nɛ, Kareya a nɛgiĩ Zoanan nɛ ka din koa wolen tɛnɛn nɛ, ǹ nə́ pɛ Zeremii-n kɛnɛn: «Soɛ nɛ n tá boe. Dɛnaa Lawa, wɔa Lawa nə n dia mà n da pɛ wɔ nɛ mà wɔ nyan wo gùli kɔ Ezipti gána-n wa.

Zeremii 43:4

Kareya a nɛgiĩ Zoanan nɛ, sɔraasin goledɛnan nɛ ka zaman gialakun lɛ nɛ, ǹ kɔn din ba n too koe Dɛnaa Lawa a da ǹ boo li wa, ǹ ba li ǹ giã Zudaa gána-n wa.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Misee 1:2

Haya, tɔrɔn tumaa, ka n too kɔ! Tán laanka màn mɛn tumaa bɛ́ la, ka n too kɔ doɛ̃! A giala, Dɛnaa Lawa n die yui ka gialaa. Dɛnaa din nə die n toɛ a kion sonbore kɛ nɛ, a yoo ka gialaa.

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni:

Sii yɔrɔ-bɔlen 11:10

Galaati a min golen lɛn nə́ pɛ Zɛftee ne: «Bɛ̀ wɔ zɛnaa ka n bɛ́ ke ń pɛ lɔn wa, Dɛnaa Lawa n siére lɛa wɔ bii.»

Samayeli1 12:5

Á pɛ ǹ nɛ doo: «Dɛnaa Lawa n kaa siére lɛa. Lawa kii mɛn bɔ, a dɔ n siére lɛa pelo kɛ lɛ nɛ, ka màn kɔn yɛ ma gɔn wa.» Ǹ ná a lɛ si: «A n miɛ̃ lɛn.»

Samayeli1 20:42

Zonaatan pɛ Davida nɛ: «Wo ka là nyantoro ne. Wɔsɛn dinin min paa lɛ-kɔ mɛn wɔ kɔn la ka Dɛnaa Lawa tɔ nɛ, Dɛnaa Lawa die a goã siére lɛa miɛ̃ duduu masɛ laanka n din biin ni, n nɛnyaanan laanka maa nɛnyaanan biin ni!»