Zeremii 40:14 - LAWA A BOO SONBORE

¹⁴ ǹ nə́ pɛ nɛ: «Amɔn tɔrɔn kii Baalisi Netania a nɛgiĩ Isimayeli dia mà a da n dɛ. Ń tá a siére-a?» Sɛnɛ, Ayikaamu a nɛgiĩ Gedalia waa la wa.

LAWA A BOO SONBORE 2011

¹⁴ ǹ nə́ pɛ nɛ: «Amɔn tɔrɔn kii Baalisi Netania a nɛgiĩ Isimayeli dia mà a da n dɛ. Ń tá a siére-a?» Sɛnɛ, Ayikaamu a nɛgiĩ Gedalia waa la wa.

Zeremii 40:14 ပူးပေါင်းရင်းမြစ်များ

Izayii 26:10

Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Zeremii 25:21

Edɔmu minin ni, Moabu minin ni ka Amɔn tɔrɔn nɛ.

Zeremii 40:13

Ǹ kɔn pinaa, Kareyaa a nɛgiĩ Zoanan laanka sɔraasin goledɛnan mɛnɛn nə goã Zudaa gána nɛ, ǹ nə́ daa Gedalia li Mispaa,

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Zeremii 41:1

Lɛ̀ a mui sɔbaabaa ǹ wɔ li, Netania a nɛgiĩ, Elisamaa a nɔ̀ɔn Isimayeli daa Ayikaamu a nɛgiĩ Gedalia li Mispaa kun ka min fù ni. Isimayeli na á goã kii a sumu min lɛa. Á goã kii a dí-nyali gole goon din lɛa. A ǹ toa màn bii Gedalia a piɛ Mispaa,

Zeremii 41:10

Bɛ kio, min mɛn tumaa goã Mispaa, á ǹ tumaa baa kòso nɛn lɛa kɔnlɛ ka kii a nɛlɔn nɛ. Bǎã-lɛduə̃lin goledɛnaa Nebuzaradan minin mɛnɛn tumaa koa Ayikaamu a nɛgiĩ Gedalia li, á bɛn tumaa si. Netania a nɛgiĩ Isimayeli tɔn kiɛ̃ ka kòso nɛn lɛn nɛ á woo ǹ ne Amɔn tɔrɔn li.

Zeremii 41:2

Netania a nɛgiĩ Isimayeli laanka a giĩ fù lɛ yoo, ǹ nə́ Safan a nɔ̀ɔn, Ayikaamu a nɛgiĩ Gedalia dɛ ka gɔya sa nɛ. *Baabiloniin kii min mɛn koa gánadɛnaa lɛa Zudaa gána nɛ, ǹ nə́ bɛ dɛ.

Misee 7:5

Ka nyan nə n foo doa kaa tá-kun wolen ganaa doo wa, ka nyan nə n kaa kaa giaáran nɛ doo wa. Haalɛ n din gòã li ǹ lɔ ke, bɛ̀ n tá a yɔrɔ-a, toa n yiri yɛ n da ǹ boo li.