Zeremii 4:5 - LAWA A BOO SONBORE

⁵ Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

LAWA A BOO SONBORE 2011

⁵ Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Zeremii 4:5 ပူးပေါင်းရင်းမြစ်များ

Izayii 28:19

A n die kiɛ̃ baayɛlɛ baayɛlɛ, penleen ka tèlò. A kiɛ̃ gogoonmaa yii, a n die ka bii. Bɛ̀ minin ná a boo giala ma, nyɛ́ɛ gole á re ǹ dii.

Zeremii 11:2

– Maa lɛ kɔ kɔn la ǹ boon kɛn ka ka nɛ, ka ǹ tamaa. Boo da ka Zudaa laanka Zeruzalɛmu minin ni,

Zeremii 35:11

Sɛnɛ, Baabiloniin kii Nebukadenezɔɔrɔ bɛ́ á yoo gána lɛ gialaa, wɔ́ taasiɛ wɔ kɛnɛn: Á soɛ wɔ ganaa wɔ wo Zeruzalɛmu màn mɛn bɛ́ toɛ wɔ kanbaa *Baabilonii gána a sɔraasin laanka Siirii gána wɔn ganaa. Sisia, wɔ n giã-n kiwi lɛ gɔ́ɔ̃ nɛ.»

Zeremii 5:20

Ka boo kɛ pɛ Zakɔba a kion minin manɛ, ka toa a kaa Zudaa minin too ne.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Zeremii 8:14

Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

Zeremii 9:12

Dɛnaa Lawa pɛ doo: «A giala, maa dí-pɛn kɛn má kɔ ǹ la, ǹ nə́ n la bɔ bɛn ganaa. Ǹ nə n too kɔ ma lon wa, ǹ kɔ ma lɛ wa.

Ezekieli 7:14

Bɛn tá re n pii, mà ka n yɔrɔ bɔ, sɛnɛ, min kɔn ba a re yii a wo zia la wa. A giala, ma foo n yoo-n gána lɛ a minin tumaa li.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Minin nimi 10:2

«Bɛn màn paa zɛnaa. Wɔrɔ dɛ n nə ǹ zɛnaa nɛ. Bɛa bɛnɛn kɛn lɛn manɛ, ka tá re zaman lɛ soekɔn nɛ, ka gòon dɔ yiɛ minin ganaa nɛ, bɛ̀ ka tá re yui n boe giã ǹ bǎãn nɛ biikoo mɛn li.

Minin nimi 10:3

Bɛ̀ ǹ nə́ bɛa bɛnɛn lɛn pɛ kun, zaman lɛ tumaa die ǹ da n sɔkɔn n din Muizu genli, kɔn yɛ ka Lawa nɛ ǹ kion kɛa kiɛnlɛ-a.

Zozoe 10:20

Zozoe laanka Izirayeli minin lɛn nə bɔ̀n mɛn da ǹ ganaa, á gole kɔ á la yii ni. Ǹ nə́ ǹ dɛ, ka ǹ daa ǹ nə ǹ nya. Ǹ mɛnɛn nə baa si ǹ nə́ la, bɛn nə́ woo n duru kiwin kɛn nɛ, kungɔn nə́ ǹ lɛnpɛnɛ.