Zeremii 4:30 - LAWA A BOO SONBORE

³⁰ Sɛnɛ, nsɛ Zeruzalɛmu ke ń ziziɛ̃, ma n wàa zɛnɛɛ? Ń mɔnaa sonbore wɔ, ka nyaǹ mànan nɛ sana lɛa. Ń kala lɔ n yii li n nə́ n din siĩn koe ne. Sɛnɛ, n din zɛnaa kɛa là banban. N sanan manə n pɔpɔsɛ, maǹ giɛ n gɛ̀ li.

LAWA A BOO SONBORE 2011

³⁰ Sɛnɛ, nsɛ Zeruzalɛmu ke ń ziziɛ̃, ma n wàa zɛnɛɛ? Ń mɔnaa sonbore wɔ, ka nyaǹ mànan nɛ sana lɛa. Ń kala lɔ n yii li n nə́ n din siĩn koe ne. Sɛnɛ, n din zɛnaa kɛa là banban. N sanan manə n pɔpɔsɛ, maǹ giɛ n gɛ̀ li.

Zeremii 4:30 ပူးပေါင်းရင်းမြစ်များ

Kiin2 9:30

Zewu daa wɔ Zizereyɛli kiwi, Zezabɛli ná a boo ma. Á kala lɔ a yii ganaa, á nyaǹ kaa a mìi ni, á n kanaa a tá n yii koe fenɛtərə ne.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Suusun 7:10

Lɔ lɛ daa n da lɛ. A wɔ ǹ mɔnaan man ka lɔ kɔrɔ wɔn bɛ́ lɔn, minin sã wole lɛa.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 20:6

Bɛa pinaa kɛ nɛ, min mɛnɛn bɛ́ giã-n Yìsi mu gole lɛkoro lɛ-a, bɛn tá re pii: «Wɔ foo bɛ́ doa-n min mɛnɛn ganaa, sii mɛn bɛ́ bɛn yii, bɛ n ka kɛ nɛ! Wɔ n wɔ́ goã wáa wɔ n duru ǹ li, ǹ nə n dɔ wɔ lɛ, ǹ wɔ si Asiiriin kii la. Sɛnɛ, wɔ n die siɛ lɔn wɔ kirisibaa sisia kəni?»

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 4:17

Haalɛ bibi, wɔ yii laa zii á gama-a gunun. Wɔ n yii da dɔmalɛ la wɔ fɔ̃. Wɔ n toa wɔa wɔlɔ lɛduə̃ ǹ bǎã nɛ, wɔ n yii da tɔrɔ kɔsɔ a daa la, wáa a wɔ kirisibaa. Sɛnɛ, màn kɔn!

Ezekieli 28:13

Ma nə ń goã Edɛn, Lawa a dù gɔrɔ kɛ nɛ. Ǹ ná a kungɔn dɔ ka kɔlɔ sonboren ne, ǹ ná a lɛnpɛnɛ nɛ: Kɔlɔ tã bonbon ne, a lɔɔdɛnaa nɛ, a fu ni, a buu buruu ni, a tɛ-pɛle ne, a buu buruu tì ni, a bɔlɔn nɛ, a tã nɛ, a bɔlɔn buu buruu dɛnaa nɛ. N maàn kɛn laanka n pìin ni, n nə ń bɛn zɛnaa ka sana nɛ. Maǹ nə́ ǹ zɛnaa ka sana nɛ n din a zɛnaa pinaa.

Ezekieli 28:9

Min mɛn lɛ bɛ́ re n dii, n yii a we n pɛ mà nsɛ n Lawa lɛa? N nə n minbuiin nɛ lɛa, n bie Lawa lɛa min kɛ lɛ gɔn die n foɛ̃ wa.

Abdiasi 1:7

Ka bɛ dɔ nɛ, ka n doa kɔn ka min mɛnɛn lɛn nɛ, ǹ nə́ ke ǹ nə́ ka loo, ǹ nə́ ka bɔ kaa bǎã nɛ. Ka kɔn wɔ ma ka min mɛnɛn lɛn nɛ, ǹ nə́ ke ǹ nə́ ka bebele, ǹ gɔn dɔ ka-a. Ǹ nə́ goã kaa màn bii kun ka nɛ, bɛ̀ ǹ nə́ pii: «Yiri goon din ba Edɔmu minin kɛn lon wa.»

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Sii-nyaan 17:13

Kii fù lɛ tumaa a taasiɛ n goon, ǹ nə́ ǹ boo sii la ǹ pàã sii tumaa kɔ Tɔɔ kɛ la.

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Sii-nyaan 17:4

Lɔ lɛ mɔnaa mɛn wɔ, a na á goã sisia, a paǹ tɛn nə́ tã birəə ne, a paǹ tɛn nə́ tã bonbon, sana laanka gɛ̀fu sonbore, ka gii n pɛnɛɛ nɛ a paǹ tumaa ganaa ka zuzəə ne. Sana kaaran na á goã a gunun, a piɛ̃maa-n ka a din kũ doɛ̃baã ǹ *gɔ̀ gìĩ-bɔle-a kɛ nɛ.