Zeremii 4:18 - LAWA A BOO SONBORE

¹⁸ Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

LAWA A BOO SONBORE 2011

¹⁸ Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

Zeremii 4:18 ပူးပေါင်းရင်းမြစ်များ

Loen 107:17

Ǹ Lawa bɔlɔ tii lɛ a lɛa, gialakunun nə́ baãnaan baa, ǹ sii baraan lɛn lɛa, ǹ nə́ nɔmaa kɔ ǹ dinin la.

Suusun 1:31

Kaa giã ǹ gɔn lɛ a siin man die kuĩ ka dinin mìi ni. Kaa sii yɔrɔ bɔn kɛn, ǹ tìĩ á re boe ka nyin ni kusikusi.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 14:16

Ǹ boon kɛn pɛ min mɛnɛn manɛ, zia laanka bòo n die ǹ dɛnan dii. Ǹ dinin ni, ǹ lɔn nɛ, ǹ nɛgiĩn ni, ǹ nɛlɔn nɛ, ǹ gere n die goɛ̃ tán bǎã tumaa nɛ Zeruzalɛmu a zii mìin ni. Min kɔn ba re yii a ǹ bĩ wa. Ǹ baraan mɛnɛn zɛnaa, man die bɛ lɛ diɛ ǹ mìi ni.»

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 26:19

Kii Ezekiasi laanka Zudaa minin nə Lawa a boo gii-dali Misee dɛ bɛa boon lɛn taman yii? Haayii! Maǹ nə́ nyɛ́ɛ baa Dɛnaa Lawa yii ni, ǹ ná a nyankɔ. Dɛnaa Lawa goã á dɔlɔ mɛn boo da, a ná a taasiɛn bɔyaa, a da ka bɛ nɛ ǹ ganaa doo wa. Sɛnɛ, wɔsɛn, bɛ̀ wɔ dɔlɔ bɔ giĩ kɛ ganaa, wɔ n sii baraa zɛnɛɛ wɔ dinin manɛ.

Zeremii 5:19

Bɛ̀ minin tá nɔ̀n diɛ mà wàa na á baa Dɛnaa Lawa, wɔa Lawa kɛ tumaa zɛnaa wɔ nɛ, nsɛ Zeremii, n tá re ǹ lɛ sii n pɛ ǹ nɛ kɛnɛn: «Ka ǹ ka n la bɔ a ganaa, ka dí nya lawa kɔsɔn manɛ kaa gána nɛ. Ka bɛa yɔrɔ lɛ nɛ, ka ǹ die dí nyɛɛ tiin manɛ gána nɛ a ná a bie kaa gána lɛa wa.»

Zeremii 5:25

Kaa sãn nə́ bɛ tumaa lɔlɔkɔn. Kaa sii baraan nə́ toa ka fɔ̃ bɛa bǐɛ̃n lɛn li.

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Busii pɛ 3:15

Dɛnaa Lawa ma kã ka foo-busii gole ne. Á ma da màn kɔɔsɛ mii ganaa.

Ezekieli 39:24

Bɛ̀ ń yaa má n yɔrɔ bɔyaa má bɔ ǹ la, ǹ gɔgɔrɛbaa ǹ siin lɛn laanka ǹ piã ǹ siin lɛn manɛ má ǹ kũ li.»

Ozee 7:2

Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.