Zeremii 4:16 - LAWA A BOO SONBORE

¹⁶ Ka a giala pɛ tɔrɔn tumaa nɛ, ka a boo da Zeruzalɛmu: Zɔ́ɔn lɛn manə n mɔrɛ, maǹ boe gána sɔsɔɔ nɛ. Maǹ ziabaa ǹ lɛ-dɛ we Zudaa kiwin ganaa.

LAWA A BOO SONBORE 2011

¹⁶ Ka a giala pɛ tɔrɔn tumaa nɛ, ka a boo da Zeruzalɛmu: Zɔ́ɔn lɛn manə n mɔrɛ, maǹ boe gána sɔsɔɔ nɛ. Maǹ ziabaa ǹ lɛ-dɛ we Zudaa kiwin ganaa.

Zeremii 4:16 ပူးပေါင်းရင်းမြစ်များ

Izayii 34:1

Tɔrɔn lɛn, ka n mɔrɔ ka n too kɔ. Zaman, ka n too kɔ sɔnbɔraanɛ! Tán laanka a gɔ́ɔ̃gɔ́ɔ̃ ǹ mànan, ka n too kɔ! Kanaa laanka màn mɛn tumaa bɛ́ boe a nɛ, ka n too kɔ!

Izayii 39:3

Bɛ kio, Lawa a boo gii-dali Izayii daa kii Ezekiasi li, á nɔ̀n da la: «Minin kɛn man nə́ wàa boo da n nɛ? Maǹ boe maa?» Ezekiasi ná a lɛ si: Maǹ boe *Baabilonii, gána sɔsɔɔ nɛ, ǹ nə́ daa n yii kɔ ma ganaa.

Zeremii 1:15

Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 39:1

Zudaan kii Sedekiasi a kiibaa lɛ̀ manangɔrɔbaa ǹ wɔ a mui fùbaa ǹ wɔ li, *Baabiloniin kii Nebukadenezɔɔrɔ laanka a sɔraasin tumaa daa Zeruzalɛmu lɛnpɛnɛ.

Zeremii 4:17

Ǹ nə́ Zeruzalɛmu lɛnpɛnɛ, ka wɔlɔ-lɛduə̃lin bɛ́ wuru lɛduĩ lɔn. A giala, a na á n gòãn dii masɛ ganaa. Dɛnaa Lawa a da ǹ boo ne

Zeremii 5:15

Á ke, Izirayeli minin, tɔrɔ mɛn bɛ́ boe sɔsɔɔ, man die bɛ diɛ ka ganaa. Dɛnaa Lawa a da ǹ boo ne. Tɔrɔ nɛ pàã ná a lon, Tɔrɔ zizi ni, tɔrɔ lɛa, ka a ǹ bɔlɔ miɛ̃ wa, ka a ǹ boo a woo ǹ bǎã yii wa.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Zeremii 6:18

Bɛ lɛ nɛ, tɔrɔ kɔsɔn lɛn, ka n too kɔ. Sii mɛn bɛ́ re ǹ yii ka tumaa bɛ dɔ̃.

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Zeremii 6:22

Dɛnaa Lawa bɛ́ boo mɛn pii, á ke: Tɔrɔ goon nə boe gɔsɛ a lɛ̀gɔn li die. Zaman gole kɔ́n nə n toɛ kanaa lɛ dan ganaa die.

Zeremii 6:23

Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»