Zeremii 4:14 - LAWA A BOO SONBORE

¹⁴ Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

LAWA A BOO SONBORE 2011

¹⁴ Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 4:14 ပူးပေါင်းရင်းမြစ်များ

Loen 119:113

Min mɛnɛn gɔ́ɔ̃ bɛ́ paa, bɛn sii goon ba ma-a wa. Sɛnɛ, n landa boon kɛn man kɔɔ̃n ma ganaa.

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 66:18

Bɛ̀ taasiɛ baraan man nə́ goã ma nɛ, bɛ̀ Dɛnaa Lawa a re n too koe ma lon wa.

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 2:22

Haalɛ ta n nə́ n zoo ka sɔmaa nɛ, ta n nə́ n zoo ka sɔmaa gigiã nɛ, n sii baraa kɛ n ma yɔrɔ kɛnɛn, ka *gɔ̀ bɛ́ lɔn. Dɛnaa Lawa a da ǹ boo ne.

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Zakarii 8:17

Ka nyan taasiɛ baraa wɔ kɔn a paǹ li wa. Ka nyan nə n liɛ soɛ la wa. Bɛa sii bɔbɔnɛɛn kɛn lɛn ba ma foo sii wa. Dɛnaa Lawa a da ǹ boo ne.»

Matiə 12:33

«Min nə da doɛ̃ a nɛ li. Da sonbore n nɛ sonbore koe, da baraa dɔ n nɛ baraa koe.

Luku 11:39

Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Zaã a sɛ́wɔ 13:9

Simɔn Piɛrɛ tɔ́n pɛ nɛ: «Dɛnaa, bɛ̀ á miɛ̃, n baran toa ma gòãn dininsɔɔ̃nɔn li wa, ma gɔ̀nɔn dɔ pii ka ma mìi ni!»

Nya ǹ dín 8:22

N taasɛ n golee n sii baraan li, n wusoo n baraabaa kɛ kio, n Dɛnaa nyankɔ. Taasiɛ naarɛ mɛn wɔ n foo-n ke, kɔntan Lawa á re bɛ toɛ n nɛ.

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Korɛnti1 3:20

A n pii doo mà «Dɛnaa din tá sii-dɔ̃lin taasiɛn doɛ̃, ǹ ba màn kɔ́n lɛa wa.»

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!