Zeremii 4:11 - LAWA A BOO SONBORE

¹¹ Bɛa waáraa kəni, Dɛnaa Lawa á re pii Zeruzalɛmu minin manɛ: Kele mìi ni, piɛ̃ fuu nə n toɛ diə gole ne, die maa zaman gialaa. Piɛ̃ lɔnlɔɔn bie màn suu ǹ wɔ lɛa wa, màn *yoreen kɔ ǹ wɔ bie wa.

LAWA A BOO SONBORE 2011

¹¹ Bɛa waáraa kəni, Dɛnaa Lawa á re pii Zeruzalɛmu minin manɛ: Kele mìi ni, piɛ̃ fuu nə n toɛ diə gole ne, die maa zaman gialaa. Piɛ̃ lɔnlɔɔn bie màn suu ǹ wɔ lɛa wa, màn *yoreen kɔ ǹ wɔ bie wa.

Zeremii 4:11 ပူးပေါင်းရင်းမြစ်များ

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 27:8

A na á dɔlɔ bɔ ǹ ganaa, á ǹ loo, bɛ̀ á kiri we ǹ ganaa. A lɛ gɔ́ɔ̃ ǹ piɛ̃ nə́ ǹ pɛsɛ̃, piɛ̃ kɛa daa pinaa boe lɛ̀giala-n.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 13:24

Man die ka pɛsɛ̃ paǹ yii li, ka buu bisin bɛ́ lɔn, diə gole a piɛ̃ n goɛ.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 23:19

Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.

Zeremii 4:12

Sɛnɛ piɛ̃ gole ne, ma lɛ dia la boe walan. Kanna kəni, man die kiri we ǹ ganaa.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Zeremii 9:1

Áh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 3:48

Ma yii mu n suù, baa sii ka mu bɛ́ lɔn, koe kɛa lɛa, maa zaman mìi ni.

Busii pɛ 4:10

Maa zaman lɛ a koe biikoo li, náa sonboren dinin nə́ ǹ nɛnyaanan kɔrɛ, ǹ nə́ sɔ̃ màn-bii lɛa.

Busii pɛ 4:3

Ka ga, tolokan dinin tá nyɔ koe ǹ nɛnyaanan la. Sɛnɛ, maa zaman lɛ n ka nɛ ǹ dan baraa bɛ́ lɔn, ka diə gɔ́ɔ̃ nɛ ǹ bɛnda bɛ́ lɔn.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Ezekieli 17:10

Á ke ǹ nə́ zumu, sɛnɛ, a re gole koe wa. Bɛ̀ lɛ̀giala piɛ̃ kɛ daa bìn da a ganaa, a tumaa á re laɛ. Sonbore, a bɔ tán bǎã mɛn lɛ nɛ, á re laɛ a gòãn la walan.»

Ezekieli 19:12

Sɛnɛ, ǹ nə́ woɛ̃ ka foo ne, ǹ nə́ zũ tán. A nɛ mɛn kaa tán, lɛ̀giala a piɛ̃ kɛ bɛ laa, a gùrù dadaran lɛn nə́ laa, tɛ nə́ ǹ kũ.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Ozee 13:3

Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.

Ozee 4:19

Piɛ̃ á re ǹ siɛ. Ǹ wúlu mànan kɛn lɛn tá re sìi diɛ ǹ ganaa.

Abakuku 1:11

Maǹ kiɛ̃ ka ǹ zii ni, ka piɛ̃ gole bɛ́ lɔn. Ǹ dinin yii li, ǹ pàã kɛ lɛ n lawa lɛa.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Luku 3:17

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»