Zeremii 4:1 - LAWA A BOO SONBORE

¹ Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

LAWA A BOO SONBORE 2011

¹ Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Zeremii 4:1 ပူးပေါင်းရင်းမြစ်များ

Siin Giala 35:2

Zakɔba tɔ́n pɛ a kion minin manɛ, min mɛnɛn bɛ́ kun ni ka bɛn dɔn nɛ: «Tɔrɔ kɔsɔn bɛ́ mànan mɛnɛn guguru koe lawan lɛa, ka bɛn waa, ka ǹ bɔ ka bii. Ka ka dinin *yoreen kɔ, ka mɔnaa kɔsɔn wɔ.

Kiin2 23:13

Wúlu bɔ ǹ bǎãn mɛnɛn nə goã Zeruzalɛmu yɔrɔ-a, *olivie kele a gusin a lɛ̀gɔn la, ke ǹ nə́ bii basaã kɔ ǹ bǎã, kii lɛ bɛn soɛ̃ yiɛ. Izirayeli gána a kii Salomɔn na á goã á bɛa wúlu bɔ ǹ bǎãn kɛn lɛn dɔ, Sidɔn minin dì bɔbɔnɛɛ Astartee kɛ wɔ lɛa, ka Moabu gána a dì bɔbɔnɛɛ Kemɔɔsi kɛ nɛ, ka Amɔn tɔrɔn dì bɔbɔnɛɛ Milkɔmu kɛ nɛ.

Kiin2 23:24

Min mɛnɛn bɛ́ nyín bíi, ka min mɛnɛn bɛ́ boobaa ǹ dí nyɛɛ, Zoziasi bɛn dɛ, á kion lɛduə̃ ǹ dìn papaã ka dì tɔrɔ kɔsɔn nɛ. Sii bɔbɔnɛɛ mɛn tumaa goã n zɛnɛɛ Zudaa gána laanka Zeruzalɛmu kiwi, Zoziasi bɛn dɔn papaã. A na á baa miɛ̃, màn mɛn bɛ́ toɛ, a dí-pɛn lɛ pã. Bɛa dí-pɛn lɛn man kiɛ̃-n sɛ́wɔ kɛ nɛ, Lawa a wúlu-bɔle Ilkia goã á yɛ Dɛnaa Lawa a kion.

KZS2 15:8

Kii Azaa bɛ́ á Lawa a dia dí-a wɔle Obɛdi a nɛgiĩ Azaria a boon kɛn ma, a foo wusoo á taã. Dìn mɛnɛn bɛ́ ǹ tan Zudaa laanka Bɛnzamɛn gána nɛ, á bɛn papaã. A kiwin mɛnɛn dɔn kũ Efrayimu a kele yii kɛ nɛ, á zɛnaa miɛ̃ bɛn dɔn manɛ. Bɛ kio, á tɔn Dɛnaa Lawa a *wúlu bɔ ǹ bǎã kɛ zɛnaa Lawa a kion kɛa daã kiɛnlɛ-a.

KZS2 33:8

Ma a re Izirayeli zaman lɛ diɛ paǹ yii li doo wa, ǹ nyan sɔsɔɔ kɔ gána lɛa má kɔ ǹ digolon la wa. Ma a re bɛ zɛnɛɛ doo wa. Sɛnɛ yǎa ǹ koe dí-pɛn kɛn tumaa lɛ, gɔn waa ǹ boo kɛn nɛ ka landa boon kɛn nɛ má ǹ kɔ Muizu la.»

KZS2 34:33

Sii babaraa mɛn yii goã n zɛnɛɛ Izirayeli gána nɛ, Zoziasi bɛ tumaa sàabaa. Á kiwin tumaa a minin kaa Dɛnaa Lawa, ǹ Lawa guguru kɔ ganaa. Bɛ lɛ nɛ, a yiikoonaabaa gɔ́ɔ̃ nɛ, Izirayeli minin nə kanaa ǹ nə́ n bɔ Dɛnaa Lawa, ǹ digolon Lawa li wa.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Zeremii 15:19

Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 25:5

Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 7:3

Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ka kaa giã ǹ gɔn laanka kaa zɛnaa ǹ siin bɔyaa. Ka bɛ nɛ, ma á re toɛ ka giã gána kɛ nɛ.»

Zeremii 7:5

Sɛnɛ, ka kaa giã ǹ gɔn laanka kaa zɛnaa ǹ siin bɔyaa ka ka foo tumaa nɛ, ka kiri pepere wɔ kɔn nɛ.

Zeremii 7:7

Ka bɛ nɛ, ka á re giɛ̃ gána kɛ nɛ ma kɔ ka digolon la duduu, duduu wɔ lɛa.

Ezekieli 11:18

Bɛ̀ ká dɔ, dì guguru kɔ ǹ mànan tumaa, ka ǹ bɛ́ sii bɔbɔnɛɛ zɛnɛɛ ka mànan mɛnɛn tumaa nɛ, ka bɛn goa, ka ǹ bɔ gána lɛ nɛ.

Ezekieli 18:13

A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.

Ezekieli 43:9

Sisia kəni, ǹ tá re ǹ dì guguru kɔ kɛ lɛ diɛ, ǹ ba re n mɔrɛ maa bǎã kɛ ganaa, ka ǹ kiin kɛn gere-n doo wa. Bɛ lɛ n die toɛ ma giã ǹ bii yǎa duduu.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 2:2

Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»