Zeremii 38:19 - LAWA A BOO SONBORE

¹⁹ Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

LAWA A BOO SONBORE 2011

¹⁹ Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Zeremii 38:19 ပူးပေါင်းရင်းမြစ်များ

KZS2 30:10

Dia dí-a wolen lɛn nə́ woo Efrayimu laanka Manaasee gána nɛ, ǹ nə́ kiwin saa a giala-a gogoon ǹ nə́ bɔ ǹ nɛ, ǹ nə́ tɔn woo Zabulɔn gána nɛ. Sɛnɛ minin manə ǹ diɛ yaa lɛa, ǹ nə́ sɔ kiɛ ǹ la.

Nehemii 4:1

Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

Zɔbu 31:34

Ma bɛ́ má zɛnaa miɛ̃, man nyɛ́ɛ biɛ zaman lɛ wuu-n ya? Minin nə ma yii puusə kɔ, bɛ n nyɛ́ɛ diɛ ma ganaa ya? Bɛ bie toɛ ma á n lɛ tiɛ̃, má n giɛ̃ kion wa.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Zeremii 20:7

Dɛnaa Lawa, ń ma sã, má toa ń ma sã. N pàã zɛnaa ma nɛ, ń boo ma la. Lɛawaa tumaa gɔ́ɔ̃ nɛ, minin man yaa we ma ganaa, min tumaa n ma foo siɛ.

Zeremii 38:22

Lɔn mɛnɛn tumaa bɛ́ re goɛ̃ kii kion lɛ nɛ, ǹ tá re ǹ tumaa goɛ ǹ wo ǹ ne Baabilonii gána nyɛɛnaandɛnan yɔrɔ-a, ǹ loe lɔ bɛ̀ ǹ tá n tɔ pii: Ǹ nə́ n sã taãn-taãnɛ, n giaára sonboren lɛn! Ń bɛ́ ń paraa bɛrɛɛ li ǹ mɛn waáraa, ǹ nə́ n la bɔ n ganaa!

Zeremii 38:5

Kii Sedekiasi tɔ́n nə ǹ lɛ si: «Bɛ̀ sii mɛn kɔɔ̃n kɔ ka ganaa, ka bɛ zɛnaa nɛ. Ma din ni kii lɛa, sɛnɛ ma a boe la ma ka kurəə sii kɔn ganaa wa.»

Zeremii 39:9

Min mɛnɛn nə goã kiwi lɛ nɛ, bǎã-lɛduə̃lin goledɛnaa Nebuzaradan bɛn goa á woo ǹ ne Baabilonii. Min mɛnɛn nə n dinin wɔ Baabiloniin kii gɔn ka gɔn dí-nyali gialakunun kɛn nɛ, á bɛn dɔn goa á woo ǹ ne Baabilonii.

Zaã a sɛ́wɔ 12:42

A laan ka bɛ nɛ, nyɛɛnaandɛnan lɛn dininmaan bii, min gigiã golee li. Sɛnɛ, Fariziɛ̃n lɛn taman yii, ǹ yii wɔ ǹ nə nyaa minin yɔrɔ-a wa, màn mɛn bɛ́ toɛ, ǹ baran ǹ loo ǹ nə ǹ bɔ lɛsɔkɔn kion wa.

Sii yɔrɔ-bɔlen 16:25

Ǹ foo bɛ́ kɔɔ̃nɛ, ǹ nə́ pɛ: «Ka lɛ dia Sansɔn la, a da yaa da wɔ ganaa.» Ǹ nə́ min dia, á woo Sansɔn bɔ kòso kion lɛ nɛ. Sansɔn yaa da ǹ sii zɛnaa ǹ yɔrɔ-a. Bɛ kio, ǹ nə́ Sansɔn kũ, ǹ nə́ da kion lɛ a bìbìn bii.

Sii yɔrɔ-bɔlen 9:54

A din bǎã-n gɔrɔ, nɛ ten mɛn bɛ́ a ziabaa ǹ mànan guĩ, á lɛ dia bɛ la á pɛ nɛ mà a na a gɔya sa kɛ bɔ a na asɛ gɔn nyɔmɔ nɛ, màn mɛn bɛ́ toɛ, minin baran pɛ asɛ wɔ paǹ li mà lɔ na á ná asɛ dɛ wa. A ziabaa ǹ mànan gũli lɛ fɔ̃ ka gɔya sa nɛ, á gã.

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.