Zeremii 37:21 - LAWA A BOO SONBORE

²¹ Kii Sedekiasi tɔn pɛ mà ǹ Zeremii da bǎã-lɛduə̃lin sumu kɛ nɛ, ka buuru mɔ̀mɔ mìi goon kɔ la baraabaraa, buuru mɛn bɛ́ boe buuru-dalin bǎã kɛ nɛ yǎa bɛ̀ buuru nya kiwi lɛ nɛ. Bɛa yɔrɔ lɛ la, Zeremii goã bǎã-lɛduə̃lin sumu lɛ nɛ.

LAWA A BOO SONBORE 2011

²¹ Kii Sedekiasi tɔn pɛ mà ǹ Zeremii da bǎã-lɛduə̃lin sumu kɛ nɛ, ka buuru mɔ̀mɔ mìi goon kɔ la baraabaraa, buuru mɛn bɛ́ boe buuru-dalin bǎã kɛ nɛ yǎa bɛ̀ buuru nya kiwi lɛ nɛ. Bɛa yɔrɔ lɛ la, Zeremii goã bǎã-lɛduə̃lin sumu lɛ nɛ.

Zeremii 37:21 ပူးပေါင်းရင်းမြစ်များ

Kiin2 25:3

Lɛ̀ a mui siibaa ǹ wɔ a lɛawaa manangɔrɔbaa ǹ wɔ pinaa, bòo gole bɛ́ á goã kiwi lɛ gialaa, minin yii ná a ba màn-bii ganaa ǹ nə́ bii doo wa,

Zɔbu 5:20

Bòo biikoo li, á re n kirisibiɛ gɛ̀ ganaa, zia biikoo li, á re n kanbiɛ gɔya sa ganaa.

Loen 37:19

Bɛ̀ nɔmaa biikoo dɔ, sìi á re ǹ kuĩ wa. Bɛ̀ bòo kɔ lɛawaan mɛnɛn li, ǹsɛn tá re kiɛ̃.

Loen 37:3

N foo doa Dɛnaa Lawa ganaa, n sii bǐɛ̃ zɛnaa, ń giɛ n tá goɛ̃ gána lɛ nɛ ka là nyantoro ne.

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Zeremii 20:2

Á Lawa a boo gii-dali Zeremii lɛ dɛ, ǹ nə́ kũ ǹ nə́ yii bìbì ganaa Lawa a kion a wɔ ǹ kiɛnlɛ-a, lon a lɛ̀gɔn la, ǹ bɛ́ ǹ mɛn bíi mà Bɛnzamɛn tɔrɔn kiɛnlɛ.

Zeremii 32:2

Bɛa biikoo lɛ nɛ, Baabiloniin kii a sɔraasin nə́ Zeruzalɛmu lɛnpɛnɛ. Lawa a boo gii-dali Zeremii sɛ lɛ na á goã tiɛ̃-n kòso-n Zudaan kii a wɔlɔ-lɛduə̃lin sumu-n.

Zeremii 32:8

Ka Dɛnaa Lawa goã á pɛ ma-n lɔn, ma dɔɔ̃ngiĩ Hanaaneyeli daa ma yaa wɔlɔ-lɛduə̃lin sumu-n, á pɛ ma-n kɛnɛn: «Maa wuru kɛ pii Anaatɔti, Bɛnzamɛn gána nɛ. A giala, n din nə ma dɔɔ̃n taãn lɛa, a pii n doe n din ganaa.» Má dɔ̃ ka bɛ-n kəni, máa Dɛnaa Lawa na á boo da ma nɛ.

Zeremii 33:1

A Zeremii toa wɔlɔ-lɛduə̃lin sumu-n, Dɛnaa Lawa boo da-n doo á pɛ:

Zeremii 38:13

Bɛa minin lɛn nə́ tɔn Zeremii baã ǹ nə́ soo ne nyankɔrɔ zuzulu lɛ nɛ. Bɛ kio, Zeremii goã bǎã-lɛduə̃lin sumu lɛ nɛ.

Zeremii 38:28

Zeremii na á goã wɔlɔ-lɛduə̃lin sumu lɛ nɛ yǎa Zeruzalɛmu a kuĩ pinaa. Ǹ Zeruzalɛmu kũ ka yɔrɔ mɛn nɛ á ke:

Zeremii 38:6

Gána nyɛɛnaandɛnan lɛn nə́ Zeremii saa, ǹ nə́ zũ kii a nɛgiĩ Malkia a nyankɔrɔ zuzulu kɛ nɛ. Maǹ nə́ Zeremii gisĩ nyankɔrɔ lɛ nɛ ka biɛ nɛ. Bɛa nyankɔrɔ zuzulu lɛ n bǎã-lɛduə̃lin sumu-n. Mu goã a-n wa, yǎa bɛrɛɛ. Bɛa bɛrɛɛ lɛ Zeremii kũ.

Zeremii 38:9

«Dɛnaagiĩ kii ganaa, minin lɛn nə sii mɛn zɛnaa Lawa a boo gii-dali Zeremii ni, sii baraa nɛ. Maǹ nə́ zũ nyankɔrɔ zuzulu ni. A n die giɛ̃ bòo gɔn a giala, màn-bii ba kiwi lɛ-n wa.»

Zeremii 52:6

Bòo wɔ Zeruzalɛmu. Á baraa kɔ, haalɛ màn-bii kɔn din goã a tan wa. Bɛa lɛ̀ lɛ a mui siibaa ǹ wɔ a lɛawaa manangɔrɔbaa ǹ wɔ li,

Busii pɛ 5:10

Bòo taman yii, wɔ gɔ̀nɔn nə wɛɛ̃-n ka belebele ka wɔ n kùsì ni.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Nya ǹ dín 12:5

Piɛrɛ bɛ́ kòso-n, Lawa a sɔmɔ minin kɛn man nə́ goã Lawa nyankoe a lɛa parsiini.

Nya ǹ dín 24:27

Lɛ̀ paa bɛ kio, Pɔrsiisi Fɛstusu daa Feliksi a bǎã saa. Feliksi bɛ́ giɛ li a Zuifun foo kɔɔ̃n kɔ ǹ sii zɛnaa, á Pooli toa kòso-n.

Nya ǹ dín 28:16

Wɔ bɛ́ wɔ́ dɔ Rɔmu kiwi, ǹ nə́ lɛ kɔ mà Pooli kion saa, sɛnɛ, sɔraasi goon na á goã a lɛduĩ.

Nya ǹ dín 28:30

Pooli kion goon saa á giã a nɛ yǎa lɛ̀ paa ka buri. Minin mɛnɛn tumaa goã die n yii koe a ganaa, a na á goã kɔn yii ka bɛn nɛ walan.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!