Zeremii 37:17 - LAWA A BOO SONBORE

¹⁷ Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

LAWA A BOO SONBORE 2011

¹⁷ Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Zeremii 37:17 ပူးပေါင်းရင်းမြစ်များ

Kiin1 22:15

Misee bɛ́ á dɔ kii lɛ li, kii lɛ nɔ̀n da la: «Misee, wɔ á boe la wɔ wo zia baa Ramɔti kiwi Galaati gána nɛ? Hinlaa wɔ a lɛ da?» Misee ná a lɛ si kɛnɛn: «Woo, n tá re gɔ̀lɔ̀baa yii! Dɛnaa Lawa tá re we n gɔn.»

Kiin1 22:16

Kii lɛ wusoo á nɔ̀n da Misee la: «Ma doa nɛ ma n da liɛ ganaa gunyin gia? Ka Dɛnaa Lawa tɔ nɛ, Boo goon pɛ ma nɛ.»

Kiin2 25:7

Ǹ nə́ Sedekiasi a nɛgiĩn bɔlɔ kuru a dinmaa yii ni. Bɛ kio, ǹ nə́ Sedekiasi yii nànan puru, ǹ nə́ yii ka zan zɔrɔka naakɔn paa nɛ, ǹ tɔ́n woo ne Baabilonii.

Zeremii 15:11

Sɛnɛ, Dɛnaa Lawa pɛ: Ma nə n liɛ, ma á re n kirisibiɛ, ma yii nyɛɛ kɔ n la. Ma nə n liɛ, koe pinaa ka foo ziziɛ̃ gole pinaa nɛ, ma á re n zɔ́ɔ lɛ diɛ n gòã kuĩ ganaa.

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 24:8

«Á bǐɛ̃ kɔ! Masɛ Dɛnaa Lawa bɛ́ boo mɛn diɛ Zudaan kii Sedekiasi a paǹ li, a gána nyɛɛnaandɛnan nɛ, min mɛnɛn nə goã Zeruzalɛmu ka ǹ mɛnɛn bɛ́ giã-n Ezipti gána nɛ, á ke: Man die ǹ kuĩ we ka gɔ́rɔ nɛ ziziɛ̃ wole kɛ bɛ́ lɔn, min na a boe la á bii wa.

Zeremii 25:35

Mìi duru ǹ bǎã ba maa zaman-lɛduə̃lin kɛn la wa. Baa si á woo ǹ bǎã ba tɔɔn-lɛduə̃lin kɛn la wa.

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Zeremii 38:5

Kii Sedekiasi tɔ́n nə ǹ lɛ si: «Bɛ̀ sii mɛn kɔɔ̃n kɔ ka ganaa, ka bɛ zɛnaa nɛ. Ma din ni kii lɛa, sɛnɛ ma a boe la ma ka kurəə sii kɔn ganaa wa.»

Zeremii 52:8

Sɛnɛ, Baabilonii sɔraasin nə́ kii Sedekiasi kio loo, ǹ nə́ dɔ a ganaa Zerikoo a wuru bǎãn kɛn nɛ. A sɔraasin tumaa nə n na ǹ nə́ n bɔ a ganaa kəni.

Ezekieli 7:26

Bɔ̀n woo bɔ̀n, gɔ́ɔ̃ wɔ̃ ǹ boo woo gɔ́ɔ̃ wɔ̃ ǹ boo, bɛn lɛn man die koɛ kɔn la. Ǹ tá re sii-nyaa liɛ Lawa a boo gii-dali la, Lawa a wúlu-bɔle ba re minin darɛɛ dí-pɛn kɛn ganaa doo wa, min golen ba re doree koe doo wa.

Minin nimi 23:17

Balaamu dɔ́ wusoo á woo Balaaki li, á woo yǎa golee ne a wúlu màn tiɛ̃ lɛ genli, kun ka Moabu gána a min dadaran nɛ. Balaaki tɔ́n nɔ̀n da la: «Dɛnaa Lawa mà wàa?»

Marki 6:20

Erɔdi goã nyɛ́ɛ biɛ ZAÃ nɛ, a giala, á dɔ̃ mà ZAÃ n Lawa a min sonbore lɛa. Á goã kɔɔ̃n a ganaa a n too kɔ ZAÃ a boo li, sɛnɛ, bɛ̀ a tá n too koe li, a yiri yii nə n lɔloɛkɔn.