Zeremii 37:15 - LAWA A BOO SONBORE

¹⁵ Ǹ foo goã yoo-n Lawa a boo gii-dali Zeremii li parsiini, yǎa ǹ nə́ dɛdɛ. Ǹ nə́ tɔn a lɛ tã sɛ́wɔ-kiɛ̃li Zonaatan a kion kɛ nɛ ǹ nə́ bɔyaa ǹ nə́ baa kòso kion lɛa.

LAWA A BOO SONBORE 2011

¹⁵ Ǹ foo goã yoo-n Lawa a boo gii-dali Zeremii li parsiini, yǎa ǹ nə́ dɛdɛ. Ǹ nə́ tɔn a lɛ tã sɛ́wɔ-kiɛ̃li Zonaatan a kion kɛ nɛ ǹ nə́ bɔyaa ǹ nə́ baa kòso kion lɛa.

Zeremii 37:15 ပူးပေါင်းရင်းမြစ်များ

Siin Giala 39:20

Á Zozɛfu kũ á da kòso-n, kii a kòso nɛn kaa ǹ bǎã nɛ. Zozɛfu bɛ́ kòso-n, Dɛnaa goã kun ni.

KZS2 16:10

Azaa foo yoo Lawa a boo gii-dali Anaanii li, á kũ á da kòso-n. A foo yoo Anaanii a boon kɛn li Parsiini. Bɛa waáraa kɛ lɛ nɛ, Azaa nə n bɔyaa á kakaarɛ kɔ zaman lɛ a min tɛn ganaa.

KZS2 18:26

A pɛ ǹ nɛ mà masɛ mà kɛnɛn: Ka giĩ kɛ da kòso-n. Ka kòso nɛn màn-bii laanka ǹ mu kɔ la, yǎa ma boe zia la ma die ma din yii lɛa.»

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 26:16

Gána nyɛɛnaandɛnan lɛn laanka zaman lɛ tumaa tɔn kɛ pɛ Lawa a wúlu-bɔlen lɛn manɛ ka Lawa a boo gii-dalin lɛn nɛ: «Giĩ kɛ doamaa bie ka gɛ̀-n wa. Sonbore, a na á boo da wɔ nɛ ka Dɛnaa Lawa, wɔa Lawa tɔ nɛ.»

Zeremii 32:2

Bɛa biikoo lɛ nɛ, Baabiloniin kii a sɔraasin nə́ Zeruzalɛmu lɛnpɛnɛ. Lawa a boo gii-dali Zeremii sɛ lɛ na á goã tiɛ̃-n kòso-n Zudaan kii a wɔlɔ-lɛduə̃lin sumu-n.

Zeremii 37:20

Zeremii tɔn kɛ ti a ganaa: «Kii, n too kɔ ma lon kanna. N too kɔ maa nyankɔ li. N nyan ma dia sɛ́wɔ-kiɛ̃li Zonaatan a kion doo wa, bɛ bie wa, man die giɛ̃.»

Zeremii 37:4

Bɛa biikoo li, bɛ̀ ǹ tɔn Zeremii da kòso-n wa. Á goã boe la a n bibiə̃ a din dùũ li zaman bii.

Zeremii 38:26

N die n nə ǹ lɛ si mà nsɛ nə n kii nyankɔ parsiini má a nyan wo n ne Zonaatan a kion kɛ-n doo wa. Bɛ bie wa, mà n nə ǹ die giɛ̃.»

Zeremii 38:6

Gána nyɛɛnaandɛnan lɛn nə́ Zeremii saa, ǹ nə́ zũ kii a nɛgiĩ Malkia a nyankɔrɔ zuzulu kɛ nɛ. Maǹ nə́ Zeremii gisĩ nyankɔrɔ lɛ nɛ ka biɛ nɛ. Bɛa nyankɔrɔ zuzulu lɛ n bǎã-lɛduə̃lin sumu-n. Mu goã a-n wa, yǎa bɛrɛɛ. Bɛa bɛrɛɛ lɛ Zeremii kũ.

Zeremii 39:15

A Zeremii toa tɔn kòso-n bǎã-lɛduə̃lin sumu lɛ nɛ, Dɛnaa Lawa boo da nɛ á pɛ:

Matiə 21:35

Wuru-lɛduə̃lin lɛn ná a dí-nyalin lɛn kũ, ǹ nə́ goon məməə, ǹ nə́ goon dɛ á gã, ǹ nə́ goon dɛdɛ ka kɔlɔ nɛ.

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Zaã a sɛ́wɔ 18:22

Bɛa boon lɛn nə́ bɔ Yezu lɛ-n lɔn, garadi lɛ mɛn bɛ́ a genli, bɛ nə́ n gɔn tɔ a para-n, bɛ̀ á n pii ni mà a wúlu-bɔlen kiã lɛ si ǹ gɔn nə ke koɛ?

Nya ǹ dín 5:18

Ǹ nə́ minin kaa dia dí-a wolen lɛn ganaa, ǹ nə́ ǹ kũ, ǹ nə́ ǹ zũ kòso-n min tumaa yɔrɔ-a.

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 5:40

Ǹ nə́ lɛ dia dia dí-a wolen lɛn la, mà ǹ da wɔ. Ǹ nə́ minin kaa ǹ-a ǹ nə́ ǹ dɛ. Ǹ nə́ tɔ́n nə n gòon pepere ǹ yii li doo, mà ǹ baran toa ǹ Yezu tɔ kɛ pɛ doo wa. Bɛ kio, ǹ nə́ ǹ kaa.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.