Zeremii 36:31 - LAWA A BOO SONBORE

³¹ Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

LAWA A BOO SONBORE 2011

³¹ Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Zeremii 36:31 ပူးပေါင်းရင်းမြစ်များ

Loen 94:23

Ǹ bɛ́ giɛ baraa mɛn li, maa wɔ paǹ li, wɔa Dɛnaa Lawa lɛ na á ǹ saraa ka bɛ lɛ nɛ. Á ǹ dinin baraabaa lɛ kuməə ǹ mìi ni, á ǹ sàabaa nɛ.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Zeremii 11:8

Sɛnɛ, ǹ nə n too kɔ wa, ǹ yiri bɔ wa. Maǹ nə́ kɔ ǹ dinin foo a baraabaa kɛ lɛ. Bɛ lɛ nɛ, lɛ kɔ kɔn la ǹ boon lɛn, ǹ nə́ ǹ boo la ǹ nə́ tamaa wa, a laanɛ má n gɔn waa ǹ nɛ, man má yoo ǹ gialaa bɛ lɛ taman yii.»

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 23:34

Kɔntan, zaman lɛ a min, Lawa a boo gii-dali lɛa hinlaa Lawa a wúlu-bɔle lɛa, bɛ á re pii mà Dɛnaa Lawa guĩ da asɛ mìi ni. Á bǐɛ̃ kɔ, man die yui a gialaa, ka a kion minin ni.

Zeremii 29:32

Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 52:2

Sii mɛn bɛ baraa Dɛnaa Lawa yii li, Sedekiasi na á bɛ lɛ zɛnaa ka Zoakiimu bɛ́ lɔn ka te.

Ezekieli 7:8

Sisia kəni, golee ba a-n doo wa. Man die die ka gialaa ka ma foo ne, yǎa man foo nyɛɛ ka la. Ma á re kiri kuri ka la a kɔnpɛ ka kaa zɛnaa ǹ sii ni, ma kaa sii bɔbɔnɛɛn kɛn tumaa a dɔlɔ da ka mìi ni.

Ezekieli 7:9

Ka makara a die ma kuĩ ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Sii bɔbɔnɛɛn kɛn lɛn dɔlɔ á re kuĩ ka dinin mìi ni, kaa á re doɛ̃ ka bɛ lɛ-n kəni, mà masɛ Dɛnaa Lawa din nə dɔlɔ boe.

Lawa a wúlu-bɔlen 26:14

Sɛnɛ, bɛ̀ ka n too kɔ masɛ lon wa, bɛ̀ ka dí-pɛn kɛn lɛn tumaa a sii zɛnaa wa,

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!