Zeremii 36:3 - LAWA A BOO SONBORE

³ Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

LAWA A BOO SONBORE 2011

³ Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 36:3 ပူးပေါင်းရင်းမြစ်များ

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Loen 139:24

N din ga a ganaa bɛ̀ má zii baraa saa. N din ma da n zii kɛ la yǎa duduu.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 26:3

Kɔntan, ǹ tá re n too koe n lon, ǹ nə n gɔn bɔ ǹ giã ǹ gɔn baraa kɛ nɛ, ka bɛ-n kəni, ma goã máa ma á re dɔlɔ mɛn boe ǹ ganaa, ma á re wusii bɛ kio.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Ezekieli 12:3

Nsɛ minbuiin a nɛ, n too kɔ! N mànan sɔkɔn, ka wo bɛ̀rɛbaa ǹ bǎã-n wole a mànan bɛ́ lɔn. N soo penleen tiɛɛ̃nɛ ǹ dinin yii ni, n woo. N die n soo n nə n bɔ bǎã kɛ nɛ, n wo bǎã kɔsɔ nɛ ǹ dinin yii ni. Kɔntan ǹ tá re doɛ̃ ka bɛ nɛ, màn ǹsɛn man piã-wɔlen lɛa.

Ezekieli 18:23

Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Luku 20:13

Wurudɛnaa lɛ tɔ́n pɛ mà asɛ n die wàa zɛnɛɛ kəni? Asɛ a nɛgiĩ mɛn bɛ́ kɔɔ̃n asɛ-a parsiini, mà asɛ n die bɛ lɛ diɛ. Mà kɔntan, ǹ tá re nyɛ́ɛ biɛ bɛ-n sɛn.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Nya ǹ dín 28:27

A giala, tɔrɔ kɛ lɛ a minin nə́ n foo laa, ǹ nə́ n toon tã, ǹ nə́ n yiin tã. Bɛ bie wa ǹ yii á re wɔlɔ yii, ǹ too á re boo miɛ, ǹ yiri á re a giala miɛ, ǹ wusoo ǹ da Lawa li, Lawa dɔ á re ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Timəə dí-pɛn 30:2

ka wusoo ka da kaa Lawa, Dɛnaa Lawa li, ka dinin laanka kaa nɛnyaanan nɛ, ka a bɔlɔ si ka ka foo tumaa nɛ, ka ka gɔ́ɔ̃ tumaa nɛ, a kɔnpɛ ka gɔn-waa kɛ nɛ, ma á we ka-n pelo.

Timəə dí-pɛn 30:8

Sɛnɛ kasɛn, ka wusoo ka Dɛnaa Lawa bɔlɔ si doo. Ma bɛ́ gɔn waa ǹ boon mɛnɛn pii ka nɛ pelo, ka kɔ bɛn lɛ.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»