Zeremii 36:2 - LAWA A BOO SONBORE

² «Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

LAWA A BOO SONBORE 2011

² «Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 36:2 ပူးပေါင်းရင်းမြစ်များ

Ɛsidrasi 6:2

Ǹ nə́ tɔ́n sɛ́wɔ munii zizi goon yɛ Ekibatana, Mɛdi gána a kiwi gole kɛ nɛ. A n kiɛ̃-n bɛa sɛ́wɔ lɛ-n kɛnɛn:

Zɔbu 31:35

E, die n die yii a n too kɔ ma lon? Masɛ a boo giala nyɔmiɛ̃ n ka bɛ nɛ. Pàãyiidɛnaa din die a ma lɛ si. Ma biɛ kɔ ǹ sɛ́wɔ ke maa zɔ́ɔ kiɛ̃,

Loen 40:7

N lɛ kɔ *wúlu màn laanka gɔ ǹ màn ganaa wa. Ń bɛ pɛ, á kaa ma too yala-n. N lɛ kɔ wúlu màn tiɛ̃ laanka sii baraa sawaa ǹ wúlu màn ganaa wa.

Bɔ bɛ̀rɛbaa nɛ 17:14

Dɛnaa pɛ Muizu ni: «Kɛ kiɛ̃ sɛ́wɔ nɛ, a goã gũ yiri ni ǹ sii lɛa. A pɛ Zozoe ne, mà má á re Amalɛki minin papaɛ̃ ka lenlen, min din ná a ba ǹ boo diɛ kanaa doo wa!»

Izayii 8:1

Dɛnaa Lawa pɛ ma nɛ: «Sɛ́wɔ kiɛ̃ ǹ goo gole saa, n kɛ kiɛ̃ la foaã nɛ: Wo naforo ganaa fufuu, n mìi fɔ̃ a ganaa, n kokoo.»

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Zeremii 2:4

Kasɛn kɛn Zakɔba tɔrɔn lɛa, ka kasɛn, Izirayeli a tanlɛn tumaa, ka n too kɔ Dɛnaa Lawa a boo li!

Zeremii 25:3

– A kũ Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ ganaa Zudaa gána mìi la a da pelo yaa, man má goã timii la ma á Dɛnaa Lawa a boo diɛ ka nɛ. A lɛ̀ fuəwensɔɔ n ka kɛ nɛ ma á boo diɛ ka nɛ, sɛnɛ, ka n too kɔ ma lon wa.

Zeremii 30:2

«Masɛ Dɛnaa Lawa, Izirayeli a Lawa a da ǹ boo á ke. Ma bɛ́ boon mɛnɛn diɛ n nɛ, ǹ tumaa kiɛ̃ sɛ́wɔ nɛ.

Zeremii 36:14

Kii a dí-nyali dadaran lɛn nə́ tɔn Yewudi dia, ke Kuusi a nɔ̀ɔn fulupaa lɛa, Selemia a nɔ̀ɔn lɛa, Netania a nɛgiĩ lɛa, mà a wo pɛ Baruku ni, a daa, mà a sɛ́wɔ munii mɛn lɛ pɛ zaman lɛ yɔrɔ-a, mà a da ka bɛ dɔ nɛ a gɔn. Neriya a nɛgiĩ Baruku sɛ́wɔ munii lɛ saa, á daa ǹ li.

Zeremii 36:18

Baruku pɛ ǹ nɛ, mà hiĩ, mà Zeremii na á ǹ pɛ, asɛ nə́ ǹ kiɛ̃ ka kaã nɛ sɛ́wɔ munii la.

Zeremii 36:23

Bɛ̀ Yewudi sɛ́wɔ lɛ a paǹ mɛn pɛ á nya, kii lɛ n bɛ kukuri ka gɔya boɛɛn nɛ a zũ tɛ-n. A zɛnaa miɛ̃ yǎa sɛ́wɔ munii lɛ nya lenlen.

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 36:6

Sɛnɛ, lɛ sɔɔ kɛa pinaa, nsɛ wo Lawa a kion, ma Lawa a boon mɛnɛn pɛ n nɛ n nə́ ǹ kiɛ̃, n nə ǹ pɛ ka lɛn gole ne zaman yɔrɔ-a ka min mɛn tumaa bɛ́ re goɛ̃ Lawa a kion lɛ nɛ, ǹ nə́ bɔ Zudaa kiwin ni.

Zeremii 45:1

Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃.

Ezekieli 2:9

Ma bɛ́ giɛ, bɛ̀ gɔn goon nə́ ke dia-n ma la, ka sɛ́wɔ-munii ná a nɛ.

Ozee 8:12

Ta man má maa dí-pɛn kɛn kiɛ̃ gunyin duu goon má kɔ ǹ la, a n die sii tii biɛ ǹ gɔn.

Timəə dí-pɛn 31:24

Muizu dí-pɛn boon lɛn tumaa kiɛ̃ sɛ́wɔ nɛ. A bɛ́ á nya,

Ebrəə 10:7

Bɛ lɛ nɛ, masɛ Krita pɛ: «Lawa! Ma á ke, man die n foo sii zɛnɛɛ», a n kiɛ̃-n miɛ̃ Lawa a Boo Sɛ́wɔ nɛ maa wɔ gɔn la.