Zeremii 35:6 - LAWA A BOO SONBORE

⁶ Sɛnɛ, ǹ ná a lɛ si: «Wɔ a duvɛ̃ mii wa. A giala, wɔ digolo Zonaadaabu ke Rekabu a nɛgiĩ lɛa, bɛ na á n gɔn waa wɔ-n kɛnɛn: Ka nyan duvɛ̃ mi duduu wa, ka dinin ni, ka kaa nɛnyaanan nɛ.

LAWA A BOO SONBORE 2011

⁶ Sɛnɛ, ǹ ná a lɛ si: «Wɔ a duvɛ̃ mii wa. A giala, wɔ digolo Zonaadaabu ke Rekabu a nɛgiĩ lɛa, bɛ na á n gɔn waa wɔ-n kɛnɛn: Ka nyan duvɛ̃ mi duduu wa, ka dinin ni, ka kaa nɛnyaanan nɛ.

Zeremii 35:6 ပူးပေါင်းရင်းမြစ်များ

Siin Giala 25:27

Nɛgininin lɛn nə́ gole kɔ. Ezawu na á goã don-baali gole lɛa, n bibiĩ don parsiini. Zakɔba na á goã nɛnyaan tɛrɛɛn lɛa, giã zìã-n goã kɔɔ̃n a ganaa.

Siin Giala 36:7

A giala, mà ǹ gɔn màn lɛ mɔnaa á la yii ni, ǹ ba boe la ǹ giã kɔn li wa. Ǹ goã giã-n bǎã mɛn nɛ, bɛa tɛ á n boe la, á ǹ tumaa a tɔɔn màn bii ǹ bǎã boe wa.

Kiin2 10:15

Zewu bɛ́ á kiɛ̃ á n bɔ walan, á n da Rekabu a nɛgiĩ Zonaadaabu lɛ, a nyɛɛnɛ die n diɛ lɛ. Zewu fòo da nɛ á pɛ nɛ: «N gɔ́ɔ̃ tá fu masɛ wɔ paǹ li ka maa wɔ bɛ́ fu n wɔ paǹ li lɔn?» Zonaadaabu ná a lɛ si: «Á fu.» Zewu nə́ n toa: «Bɛ̀ n gɔ́ɔ̃ lɛ á fu, n gɔn kɔ ma la.» Zonaadaabu nə́ n gɔn lɛ kɔ la. Zewu Zonaadaabu kũ á da a din genli, a wotoro ne,

Kiin2 10:23

Zewu laanka Rekabu a nɛgiĩ Zonaadaabu daa Baali guguru kɔ ǹ kion lɛ nɛ. Min mɛnɛn lɛn bɛ́ dí nyɛɛ Baali ni, Zewu pɛ ǹ nɛ: Ka ga ka dinin bii, kɔntan Dɛnaa Lawa a dí-nyalin tá kànaa kun ka nɛ, hinlaa ǹ tumaa n Baali a dí-nyalin lɛa?

KZS1 16:19

Bɛa biikoo li, bɛ̀ ka a gigiã wa. Ka n ka goã tii kuru boɛɛn kooro lɛa gána lɛ gɔ́ɔ̃ nɛ.»

KZS1 2:55

ka Sofra a tanlɛn kɛn minin ni, giã-n Zaabɛsi. Bɛa tanlɛn lɛn man ka Tiraa a tanlɛ nɛ, Simeyati a tanlɛ nɛ, ka Sukaa a tanlɛ nɛ. Bɛa minin kɛn lɛn man Kenii tɔrɔn lɛa. Maǹ nə́ bɔ Amaati ni, ke Rekabu tɔrɔn digolo lɛa.

Loen 105:12

Bɛa biikoo li, bɛ̀ ǹ ba gigiã wa. Maǹ nə́ goã tii kuru boɛɛn kooro lɛa gána lɛ gɔ́ɔ̃ nɛ.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Zeremii 35:10

Sɛnɛ, wɔ n giɛ̃ zìã kionən ne. Wɔ digolo Zonaadaabu nə n gɔn waa wɔ nɛ ka boo mɛn tumaa nɛ, wɔ n wɔ́ kɔ bɛn lɛ.

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Sii yɔrɔ-bɔlen 13:14

Màn woo màn, ǹ tá zɛnɛɛ ka *rezɛ̃ da kɛa nɛ nɛ, a nyan toa a bɛ kɔn wɔ a lɛ-n wa. A baran duvɛ̃ mi wa, a baran yɔ kakaarɛ kɔn mi wa. A baran màn gɔgɔrɛ kɔn bii wa. Ma màn mɛn tumaa pɛ nɛ, a doamaa nɛ a kɔ bɛ lɛ lɛ.»

Sii yɔrɔ-bɔlen 13:7

Sɛnɛ, a na á pɛ ma-n kɛnɛn: Á ke, n tá re nɔ̀ sii n nɛgiĩ yɛ. A kù sisia ganaa, n baran yɔ mi wa, n baran yɔ kakaarɛ kɔn mi wa, n nyan màn gɔgɔrɛ kɔn wɔ n lɛ n wa. A giala, a tɔa ǹ dan gɔ́ɔ̃-n gɔrɔ, nɛginin lɛ n die goɛ̃ Lawa wɔ lɛa yǎa a woe kiɛ a gɛ̀ lɛ.