Zeremii 35:17 - LAWA A BOO SONBORE

¹⁷ Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

LAWA A BOO SONBORE 2011

¹⁷ Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 35:17 ပူးပေါင်းရင်းမြစ်များ

Siin Giala 6:17

Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

Suusun 13:13

Bɛ̀ min nə n piã ka doroo ne, a lɛ á re we ǹ dɛnaa ganaa. Sɛnɛ, bɛ̀ min mɛn dí-pɛ tamaa, á re a saraa yii.

Suusun 16:2

Minbuiin nɛ n taasɛ mà asɛ n sii sonbore zɛnɛɛ biikoo tumaa li. Sɛnɛ, Dɛnaa Lawa n kiri we foo ganaa.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 11:8

Sɛnɛ, ǹ nə n too kɔ wa, ǹ yiri bɔ wa. Maǹ nə́ kɔ ǹ dinin foo a baraabaa kɛ lɛ. Bɛ lɛ nɛ, lɛ kɔ kɔn la ǹ boon lɛn, ǹ nə́ ǹ boo la ǹ nə́ tamaa wa, a laanɛ má n gɔn waa ǹ nɛ, man má yoo ǹ gialaa bɛ lɛ taman yii.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 19:3

A pɛ kɛnɛn: «Zudaan kii laanka Zeruzalɛmu minin, ka n too kɔ Dɛnaa Lawa a boon li. Dɛnaa Lawa Pàãyiidɛnaa, Izirayeli a Lawa a boo á ke: Man die koe gole boe bǎã kɛ ganaa. Min mɛnɛn bɛ́ re a boo miɛ, nyɛ́ɛ gole á re bɛn kuĩ.

Zeremii 26:5

Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Zeremii 32:33

Màn mɛn tá-a ǹ nə n bɔyaa ǹ da masɛ li, maǹ nə́ n dɔ̀ɔ̃ wɔ ma nɛ. A da yaa, biikoo tumaa li, má ǹ daraa, sɛnɛ, ǹ nə n too kɔ ma lon wa, ǹ lɛ kɔ maa daraan ganaa wa.

Zeremii 36:31

Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Rɔmu minin 10:21

Sɛnɛ, Izirayeli wɔ gɔn la, Lawa pɛ: «Duduu, má n gɔn dia tɔrɔ bɔlɔgoonbaã, piã wole la. Sɛnɛ, bɛ din tumaa kio, Izirayeli Lawa bɔlɔ tii, á n piã nɛ.»