Zeremii 34:22 - LAWA A BOO SONBORE

²² Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

LAWA A BOO SONBORE 2011

²² Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 34:22 ပူးပေါင်းရင်းမြစ်များ

Samayeli2 16:11

Davida pɛ Abisayii laanka a dí-nyalin tumaa nɛ: «Bɛ̀ maa nɛgiĩ, masɛ din a yɛ ǹ nɛ tá giɛ li a ma nyin bɔ, sanparɛ ka Bɛnzamɛn tɔrɔ min kɔsɔ kɛ nɛ? Bɛ̀ Dɛnaa Lawa na á pɛ nɛ, mà a lɛn baraa lɛ bíi, ka toa a bíi.

Kiin2 25:6

Kalde minin lɛn nə́ kii lɛ kũ, ǹ nə́ woo ne Ribla kiwi, Baabilonii gána a kii li, ǹ nə́ kiri wɔ a ganaa.

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Izayii 13:3

Ǹ min mɛnɛn bɔ ǹ nə́ ǹ koa maa wɔn lɛa, má dí-pɛn kɔ ǹ la. Maa sɔraasi zanbian kɛn, n nyɛnyɛɛ maa gɔ̀lɔ̀baa li, ma bɛn bíi, máa ǹ maa foo-yoo nyaa.

Izayii 24:12

Kiwi gɔ́ɔ̃ nɛ, kɛbɔlɔ dinsɔɔ̃ nɛ. A kiɛnlɛ ziziɛ̃, á kaa.

Izayii 37:26

Senankeribu, n ba bɛ doɛ̃ wa? Haalɛ bibi, masɛ din ni ma siin kɛn lɛn yɔrɔ bɔ. Ma din ni má ǹ yɔrɔ bɔ á biikoo ná a kànaa wa. Sisia kəni, man die ǹ zɛnɛɛ. Man má n koa, máa n basaã kɔ kiwin kɛn manɛ tamaa nɛ, ǹ kɛbɔlɔn baa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 34:2

– Dɛnaa Lawa, Izirayeli a Lawa n kɛ pii: «Wo pɛ Zudaan kii Sedekiasi ni, mà masɛ n kɛ pii: Man die kiwi kɛ we Baabiloniin kii gɔn, a tɛ da a ganaa.

Zeremii 38:23

«Taãn nɛ, ǹ tá re woe n lɔn laanka n nɛnyaanan nɛ Baabilonii minin yɔrɔ-a. N dinmaa dɔ a re kanbiɛ ǹ ganaa wa. Baabiloniin kii á re n biɛ kòso nɛ lɛa, a tɛ da Zeruzalɛmu ganaa.»

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 50:13

Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Zeremii 52:7

Ǹ nə́ yala bɔ kiwi tama a ǹ kungɔn kɛ ganaa, kiwi lɛ lɛnpɛnɛ. Tèlò-n, Zudaa a sɔraasin tumaa baa si. Ǹ nə́ bɔ ka kiɛnlɛ kɛ nɛ kungɔn màn paa kɛ bii n ni, dia-n woe kii a dù gɔrɔ la. Baabilonii minin nə́ Zeruzalɛmu lɛnpɛnɛ. A laan bɛ yii ni, ǹ nə́ bɔ ka Arabaa zii kɛ nɛ.

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.