Zeremii 34:17 - LAWA A BOO SONBORE

¹⁷ Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

LAWA A BOO SONBORE 2011

¹⁷ Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 34:17 ပူးပေါင်းရင်းမြစ်များ

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 29:17

Dɛnaa Lawa Pàãyiidɛnaa n kɛ pii: «Man die yui ǹ gialaa ka zia nɛ, bòo ne ka piɛ̃ busu ni. Man die ǹ biɛ ka gɔ́rɔ bɔnɛɛ bɛ́ lɔn, bɔnɛɛ, min ná a boe la á bii wa.

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 32:25

Taãn nɛ, ǹ nə́ Zeruzalɛmu kũ á nya! A da yaa Dɛnaa Lawa, ń ma da wuru pii ganaa Anaatɔti, a wɔrɔ nə n saraa siéren yɔrɔ-a. Bɛ mìi, Dɛnaa Lawa?»

Zeremii 32:36

Ka n pii Zeruzalɛmu a paǹ li: Zia nɛ, bòo ne ka piɛ̃ busu nə́ ǹ wɔ Baabiloniin kii gɔn. Kanna kəni, ma din Dɛnaa Lawa Izirayeli a Lawa bɛ́ màn mɛn pii bɛa kiwi kɛa paǹ li, á ke:

Zeremii 34:8

Dɛnaa Lawa wusoo á boo da Zeremii ni kii Sedekiasi a lɛ-kɔ kɛ kio Zeruzalɛmu a zaman tumaa nɛ, màn mɛn bɛ́ toɛ, a ǹ bɛ̀rɛn kaa.

Zeremii 38:2

Dɛnaa Lawa n kɛ pii: «Min woo min giã kiwi kɛ nɛ, bɛa dɛnaa á re giɛ̃ zia taman yii, bòo ne, ka piɛ̃ busu ni. Sɛnɛ min mɛn bɛ́ re soe a wo n din wɔ *Baabilonii minin gɔn, bɛ yii á re goɛ̃ koo sɛn.»

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Galaasi minin 6:7

Ka nyan sã ka dinin yiri ganaa wa. Min ba yaa we Lawa ganaa wa. Bɛ̀ min màn mɛn da, a n die bɛ lɛ kuri.

Timəə dí-pɛn 19:19

Bɛ gɔ́ɔ̃ nɛ, a bɛ́ á goã giɛ li, mà ǹ sii mɛn zɛnaa ǹ miã lɛ nɛ, ka bɛ lɛ zɛnaa a din ni. Bɛ lɛ n die toɛ ka sii baraa bɔ ka bɔ ka bii.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»