Zeremii 34:14 - LAWA A BOO SONBORE

¹⁴ Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

LAWA A BOO SONBORE 2011

¹⁴ Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Zeremii 34:14 ပူးပေါင်းရင်းမြစ်များ

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin1 9:22

Sɛnɛ Salomɔn Izirayeli minin lɛn kɔn da pàã dí ganaa wa. A giala ǹsɛn man nə́ goã zia nɛn lɛa, Salomɔn a dí-nyalin lɛa, a sii nyɛɛnaandɛnan laanka a ziabaa ǹ mànan-gũlin lɛa. Ka bɛ dɔ nɛ, maǹ nə́ goã a zia wotoron mìi la, ǹ nə́ dii a sùin la.

KZS2 28:10

Ka bɛ nɛ, ka n pii mà giĩn kɛn ka lɔn kɛn nɛ, boe Zeruzalɛmu, mà ka n die ǹ biɛ bɛ̀rɛn lɛa! Sɛnɛ, kasɛn man zɛ̀rɛdɛnan lɛa Dɛnaa Lawa yɔrɔ-a.

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Ezekieli 20:4

Minbuiin a nɛ, n doamaa bie n kɛn toa walan wa. Ǹ zɛ̀rɛ baa. Ǹ digolon nə sii bɔbɔnɛɛn mɛnɛn zɛnaa, bɛn pɛ ǹ nɛ.

Ezekieli 20:8

«Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Lawa a wúlu-bɔlen 25:10

Lɛ̀ posoorobaa ǹ wɔ ke, ka bɛ bɔ ka koa a gɔrɔn masɛ Lawa a lɛa, ka pɛ gána lɛ a minin tumaa nɛ, mà didie tá a din gɔn wìi a lɛa. Lɛ̀ posooro zɔ́n nɛ. Bɛ̀ á dɔ, didie wusoo a wo giã a tán lɛ nɛ, didie wusoo a wo piɛ.

Amɔɔsi 2:6

Dɛnaa Lawa na á pɛ kɛnɛn: Izirayeli minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ min pepere kũ ǹ nə́ sã wɔrɔ-a, ǹ nə́ doobaa lonkɔ ka kɔsɔ nɛ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Amɔɔsi 8:6

Wɔ n die nɔmaa-wɔle pii ka wɔrɔ nɛ, wɔ n baa bɛ̀rɛn lɛa. Wɔ n die doobaa lonkoe ka kɔsɔ nɛ. Wɔ á re wɔa *belee we din siɛ̃!

Rɔmu minin 7:24

Maa wɔ n ka bɔ̀n nɛ! Maa sii baraa gɔ̀nɔn kɛ lɛ n woe ma diɛ gɛ̀ nɛ! Die n die ma sii la kəni?

Timəə dí-pɛn 15:1

Lɛ̀ sɔbaa woo lɛ̀ sɔbaa, ka giɔ̀mɔn toa.

Timəə dí-pɛn 15:12

Bɛ̀ ka dɔɔ̃n *Ebrəə min lɛ mɛn nə́ n din sã ka la bɛ̀rɛ lɛa, giĩ-n hinlaa lɔ nɛ, a doamaa nɛ a dí nya ka nɛ lɛ̀ sɔrɔ gɔ́ɔ̃ nɛ. A lɛ̀ sɔbaabaa ǹ wɔ, ka n gɔn bɔ a ganaa a woo a n bɔ ka li, a ná a din gɔn wìi a lɛa.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.