Zeremii 34:13 - LAWA A BOO SONBORE

¹³ – Dɛnaa Lawa, Izirayeli a Lawa n kɛ pii: «Ma dɔ goã má lɛ-kɔ wɔ ka ka digolon ne, bɛ̀ ma bɛ́ má ǹ waa bɛ̀rɛbaa ǹ bǎã nɛ Ezipti gána nɛ má soo ǹ ne.

LAWA A BOO SONBORE 2011

¹³ – Dɛnaa Lawa, Izirayeli a Lawa n kɛ pii: «Ma dɔ goã má lɛ-kɔ wɔ ka ka digolon ne, bɛ̀ ma bɛ́ má ǹ waa bɛ̀rɛbaa ǹ bǎã nɛ Ezipti gána nɛ má soo ǹ ne.

Zeremii 34:13 ပူးပေါင်းရင်းမြစ်များ

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 24:3

Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»

Zeremii 11:4

Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 34:12

Dɛnaa Lawa tɔn boo da Zeremii ni á pɛ nɛ:

Zeremii 7:22

Ma bɛ́ má ka digolon waa Ezipti gána nɛ má soo ǹ ne, ma boo kɔn da ǹ nɛ, má nɔ̀n da ǹ la ka wúlu màn lɛ piɛ̃-n wa, ma nɔ̀n da ǹ la ka wúlu màn kɔsɔ-n wa.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 16:12

Ka dɔn nə n yiri koa a nɛ, mà ka n ká goã bɛ̀rɛn lɛa Ezipti gána nɛ. Ka landa boon kɛn tamaa, ka kɔ ǹ lɛ.

Timəə dí-pɛn 24:18

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ, mà kaa Lawa, Dɛnaa Lawa na á ka bɔ a nɛ. Bɛ lɛ na á toa ma á n gɔn wɛɛ ka nɛ, máa ka kɔ bɛa boo lɛ lɛ.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 5:27

«Nsɛ nə n zɔ̃ n woo. Wɔa Lawa, Dɛnaa Lawa lɛ bɛ́ re màn mɛn pii, n too kɔ bɛ tumaa li. A bɛ́ re màn mɛn tumaa pii n nɛ, nsɛ wusoo n bɛ pɛ wɔsɛn nɛ, wɔ á re n too koe li, wɔ kɔ lɛ.»

Timəə dí-pɛn 5:6

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 7:8

A giala, Dɛnaa Lawa na á ka narɛ. A lɛ kɔ kɔn la mɛn wɔ ka ka digolon ne dɔn, á bɛ lɛ pã. Bɛ lɛ nɛ, Dɛnaa Lawa din ka si ka pàã nɛ. Á ka bɔ bɛ̀rɛbaa nɛ, á ka bɔ *Faarahɔn gɔn, Ezipti minin kii ke.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Zozoe 24:17

A giala, Dɛnaa Lawa din nə wɔsɛn Lawa lɛa. A din na á wɔsɛn laanka wɔ digolon waa Ezipti, á wɔ bɔ Ezipti gána a bɛ̀rɛbaa nɛ. A din lɛ na á kaãbaa ǹ sii dadaran kɛn zɛnaa wɔsɛn yii ni: Wɔsɛn nə zii tɔ mɛn tumaa wɔ, wɔsɛn nə bɔ tɔrɔ kɔsɔn mɛnɛn tumaa bii wɔ́ kiɛ̃, Dɛnaa Lawa din na á wɔ tamaa bɛ tumaa gɔ́ɔ̃ nɛ.

Sii yɔrɔ-bɔlen 6:8

Bɛ lɛ nɛ, Dɛnaa Lawa tɔ́n boo gii-dali goon dia Izirayeli minin lɛn la, á pɛ ǹ nɛ: – Dɛnaa Lawa lɛ, Izirayeli minin Lawa lɛa, bɛ lɛ na á pɛ: Ma din ni má ka waa má ka bɔ Ezipti, ka goã bɛ̀rɛn lɛa gána mɛn lɛ nɛ.