Zeremii 33:9 - LAWA A BOO SONBORE

⁹ Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

LAWA A BOO SONBORE 2011

⁹ Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Zeremii 33:9 ပူးပေါင်းရင်းမြစ်များ

KZS2 20:29

Tɔrɔn mɛnɛn bɛ́ gána kɔsɔn nɛ, bɛn bɛ́ ǹ nə́ ma mà Dɛnaa Lawa zia baa Izirayeli a zɔ́ɔn ganaa, nyɛ́ɛ nə́ ǹ kũ parasiini.

Nehemii 6:16

Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Loen 130:4

Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Loen 40:3

Á ma bɔ nyankɔrɔ baraa kɛ nɛ, á ma bɔ bɛrɛɛ nyankɔrɔ zuzulu kɛ nɛ. Á ma saa á ma da lon, á ma gòãn kaa gɛ̀fu la, á ma foo doa.

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Izayii 55:13

Siprɛsi dan tá re boe nyan tewonən bǎã nɛ, Da gìĩ kɔɔ̃n tá re nyan dan bǎã siɛ. Bɛ tumaa n die n zɛnɛɛ màn mɛn bɛ́ toɛ Dɛnaa Lawa tɔ nə n saa lon. Bɛ n die goɛ̃ sii a kɔnboe lɛa yǎa duduu, a ná a papaɛ̃ wa.

Izayii 60:5

Bɛ̀ n nə́ ǹ yɛ, foo kɔɔ̃nbaa taman yii, n yɔrɔ á re tɛ pii, n nə n nyɛnyɛɛ, a giala yìsi mu la ǹ goon naforon tá re die n li. Tɔrɔ kɔsɔn gɔn mànan tá re n wɔ biɛ.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Izayii 64:2

Ń sii kakan zɛnaa. Ń gisĩ, kelen nə bìn da n nyɛɛnɛ.

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 29:1

Lawa a boo gii-dali Zeremii nə́ n toa Zeruzalɛmu, á sɛ́wɔ dia min golen la, Lawa a wúlu-bɔlen ne, Lawa a boo gii-dalin ni, ka min mɛn tumaa bɛ́ Nebukadenezɔɔrɔ nə́ ǹ goa Zeruzalɛmu á woo ǹ ne *Baabilonii.

Zeremii 3:17

Bɛa waáraa kəni, maǹ die Zeruzalɛmu bíi, «Dɛnaa Lawa a kii dankan.» Tɔrɔn tumaa n die n soekɔn ka Dɛnaa Lawa tɔ nɛ Zeruzalɛmu. Ǹ ba re koe ǹ foo kakabaa kɛ laanka ǹ taasiɛ baraan kɛn lɛ wa.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 31:14

Ma á re siĩ nyɔɔnaa gigiã koe Lawa a wúlu-bɔlen la, ma màn sonbore gigiã kɔ maa zaman la. Dɛnaa Lawa a da ǹ boo ne.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 32:42

Dɛnaa Lawa n kɛ pii doo: «Ma din ni má koe gole kɛ tumaa da Zudaa gána mìi ni. A din yɔrɔ goon la, ma n lɛ kɔ ǹ la ka yii-nyɛɛ gole mɛn nɛ, ma din nə die bɛ dɔ koe ǹ la.

Zeremii 33:14

Á ke, lɛawaa á die, Dɛnaa Lawa a da ǹ boo ne, man lɛ kɔ ka sii mɛn nɛ Izirayeli zaman la ka Zudaa minin ni, ma á re bɛ zɛnɛɛ.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 49:25

Ǹ nə́ n la bɔ kiwi gole kɛ ganaa, kiwi ke ma foo kɔɔ̃n koe! Bɛ giala mà wàa kəni?

Ezekieli 26:20

Bɛa biikoo li, lɛlɛ minin kɛn yala-n, ma á re n diɛ kun ka bɛn nɛ. Ma á re tán giulun kɛ biɛ n giã ǹ bǎã lɛa. Min mɛnɛn bɛ́ yala-n, n tá re goɛ̃ kun ka bɛn nɛ, n nə n baa ka kɛbɔlɔ zizi á ke lɔn, màn mɛn bɛ́ toɛ, min din baran giã n nɛ doo wa, n nyan bǎã yɛ yiikoonaan kanaa kɛ-n doo wa.

Ezekieli 36:35

Minin tá re n toɛ: «Kiwi kɛ lɛ ǹ nə́ goã ǹ nə́ ziziɛ̃, á ke á n baa ka Edɛn dù gɔrɔ kɛ bɛ́ lɔn. Kiwin mɛnɛn bɛ́ ǹ nə́ goã ǹ nə́ wuru, ǹ nə́ ziziɛ̃ ǹ nə́ kɛbɔlɔ baa, ǹ nə́ kungɔn dɔ ǹ nə́ bɛn lɛnpɛnɛ nɛ, minin nə́ giã ǹ nɛ.

Ezekieli 39:13

Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Zakarii 1:17

Bɛ kio, lon a dia dí-a wole lɛ wusoo á pɛ ma nɛ, mà ma boo kɛ da ka Dɛnaa Lawa Pàãyiidɛnaa tɔ nɛ: «Maa kiwin lɛn tá re wusii doo ǹ pã ka màn sonboren ne. Man die wusii ma Zeruzalɛmu bɔ ma koa doo, ma Siɔn foo taã.»

Zakarii 12:2

– Man die Zeruzalɛmu biɛ kaaran lɛa, piɛ̃ nɛ ka maa foo yoo ǹ duvɛ̃ nɛ. Tɔrɔn mɛnɛn tumaa bɛ́ a lɛnpɛnɛ, á re bɛn yii tii. Bɛ̀ ǹ nə́ yoo Zeruzalɛmu gialaa ǹ mɛn waáraa, ǹ tá re yui Zudaa minin dɔn gialaa.

Timəə dí-pɛn 30:5

Ka digolon nə goã gána mɛn lɛ nɛ lɛlɛ, á re wusii a da ka ka-n walan, á re kaa wɔ biɛ. Á re bǐɛ̃ zɛnɛɛ ka nɛ, a ka mɔnaa a la ka digolon kɛn manɛ.