Zeremii 33:7 - LAWA A BOO SONBORE

⁷ Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

LAWA A BOO SONBORE 2011

⁷ Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 33:7 ပူးပေါင်းရင်းမြစ်များ

Loen 126:1

Wo Zeruzalɛmu loe. Dɛnaa Lawa bɛ́ á wusoo á daa ka wɔ nɛ Zeruzalɛmu, a n ka wɔ nə n narɛ.

Loen 126:4

Dɛnaa Lawa, wusoo n da n dɔ wɔa minin lɛn lɛ, ka mu bɛ́ wusii á die pɛrɛ gɔ́ɔ̃ gere basɛ̃ lɔn.

Loen 14:7

Min mɛn bɛ́ re boe *Siɔn kele la, a Izirayeli kirisibaa, man zoɛ̃ máa ma bɛ yɛ. Bɛ̀ Dɛnaa Lawa din wusoo a ná a minin kɛn kaa ǹ bǎã nɛ, bɛa biikoo li, Izirayeli á die n nyɛnyɛɛ, a foo á die kɔɔ̃n koe.

Loen 85:1

LOE-saalin goledɛnaa loe mɛn lɔ. Koore a minin loe goon ne.

Izayii 1:26

Ma á re toɛ n kiri-wɔlen kɛn nə goã ka lɛlɛ ǹ wɔn bɛ́ lɔn, n sii yɔrɔ-bɔlen nə ǹ lɛlɛ ǹ giã ǹ gɔn saa. Bɛ kio kəni, ǹ tá re n bíi "kiwi pepere", "kiwi bɔlɔgoondɛnaa".

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 30:20

Zakɔba tɔrɔn kɛn, ǹ tá re n biɛ ka lɛlɛ bɛ́ lɔn. A zaman lɛ gòã á re we tán ma yɔrɔ-a. Min woo min yoo ǹ ganaa, ma á re yui bɛa dɛnaa gialaa.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 31:28

Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.

Busii pɛ 4:22

Siɔn kiwi, n dɔlɔ lɛ nya kəni. Lawa a re woe n ne bɛ̀rɛbaa ǹ bǎã-n doo wa. Sɛnɛ, nsɛ Edɔmu, Dɛnaa Lawa á re n sii baraan dɔlɔ boe n ganaa. Á re n sii baraan lɛn nyɛɛ bii-a panparaan nɛ.

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Ozee 2:15

A wúlu mànan tã Baali ganaa lɛawaan mɛnɛn li ma á re bɛn dɔlɔ boe a ganaa. A na á goã a gɔn ganaa ǹ zanan kɛn laanka a bɔlɔ-a ǹ gii kɛn we, bɛ̀ a baa si a tɔntɔraan lɛn kio. Ma dinmaa ke, a yiri bɔ ka ma nɛ! Dɛnaa Lawa a da ǹ boo ne.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Zakarii 1:17

Bɛ kio, lon a dia dí-a wole lɛ wusoo á pɛ ma nɛ, mà ma boo kɛ da ka Dɛnaa Lawa Pàãyiidɛnaa tɔ nɛ: «Maa kiwin lɛn tá re wusii doo ǹ pã ka màn sonboren ne. Man die wusii ma Zeruzalɛmu bɔ ma koa doo, ma Siɔn foo taã.»