Zeremii 33:24 - LAWA A BOO SONBORE

²⁴ «Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»

LAWA A BOO SONBORE 2011

²⁴ «Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»

Zeremii 33:24 ပူးပေါင်းရင်းမြစ်များ

Loen 71:11

maǹ pii: Lawa daa. Ka a lɛ gɛwaa, wɔ kũ, min kɔn ba re boe a-n wa.

Loen 83:4

Maǹ tán dù bose n din a zaman kɛ li, n din bɛ́ min mɛnɛn tamaɛ, maǹ kɔn yii bɛn gialaa.

Loen 83:5

Maǹ pii kɛnɛn: Ka daa, wɔ ǹ gána tuturu, min din baran Izirayeli tɔ pɛ doo wa.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Izayii 7:17

Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»

Zeremii 3:7

Man taasɛ máa bɛ tumaa kio, máa á re wusii a da ma li. Sɛnɛ, haayii, a wusoo á daa wa. Ǹ miãnɛn Zudaa bɔlɔgoonbaãdɛnaa lɛ yɛ taãnɛ.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Zeremii 31:36

«Bɛ̀ má lɛ kɔ bɛa siin kɛn lɛn sàabaa ganaa ǹ mɛn pinaa, a din pinaa lɛ nɛ Izirayeli tɔrɔn ba re maa zaman biɛ doo duduu wa.» Dɛnaa Lawa a da ǹ boo ne.

Zeremii 31:37

Dɛnaa Lawa n kɛ pii: «Bɛ̀ min boo la á lon a wo lon zɔɔ̃, á tán a zuzulubaa zɔɔ̃, ma dɔ á re Izirayeli minin tii, ǹ sii baraan taman yii!» Dɛnaa Lawa a da ǹ boo ne.

Zeremii 33:23

Dɛnaa Lawa wusoo á boo da Zeremii-n kɛnɛn:

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Ezekieli 25:3

A pɛ Amɔn tɔrɔn lɛn manɛ, mà ǹ nə n too kɔ masɛ Dɛnaa Lawa a boo kɛ li. Masɛ Dɛnaa Lawa n kɛ pii: «Zɔ́ɔn bɛ́ ǹ nə́ maa kion sonbore lɛ ziziɛ̃ ǹ mɛn waáraa, ǹ nə́ basaã kɔ Izirayeli gána kɛ nɛ, ǹ nə́ ǹ goa ǹ nə́ woo ǹ ne gána kɔsɔ nɛ, táa ka n ka yaa wɔ?

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 36:2

Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!»

Ezekieli 36:20

Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!»

Ezekieli 37:11

Lawa tɔ́n pɛ ma nɛ: – Minbuiin a nɛ, gere wen kɛn lɛn, Izirayeli tɔrɔn lɛn tumaa a kaa-kun ni. Á ke, Izirayeli tɔrɔn lɛn man pii: «Wɔ wen nə́ laa, foo doa ǹ bǎã ba wɔ lon doo wa, wɔa wɔ ziziɛ̃.»

Ezekieli 37:22

Ma á re ka biɛ tɔrɔ goon lɛa gána lɛ nɛ, Izirayeli gána a kelen kɛn la. Kii goon tá re giɛ̃ ka tumaa mìi la. Ka a re goɛ̃ wɔlɔ paa doo wa, ka a re goɛ̃ niɛ̃-n kɔn gána màn paa doo wa.