Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 33:18 - LAWA A BOO SONBORE

18 *Levii tɔrɔn tá re yii biikoo yii li ǹ Lawa a wúlu-bɔle baa ǹ dí nya masɛ nɛ. Ǹ tá re *wúlu màn tiɛ̃n boe, ǹ Lawa gɔ ǹ mànan gìĩ kaa ma nyin ni, ǹ wúlu mànan kɔ ma la baraabaraa.»

အခန်းကိုကြည့်ပါ။ ကော်ပီ

LAWA A BOO SONBORE 2011

18 *Levii tɔrɔn tá re yii biikoo yii li ǹ Lawa a wúlu-bɔle baa ǹ dí nya masɛ nɛ. Ǹ tá re *wúlu màn tiɛ̃n boe, ǹ Lawa gɔ ǹ mànan gìĩ kaa ma nyin ni, ǹ wúlu mànan kɔ ma la baraabaraa.»

အခန်းကိုကြည့်ပါ။ ကော်ပီ




Zeremii 33:18
21 ပူးပေါင်းရင်းမြစ်များ  

Bɛ kio, wúlu mɛn doamaa bɛ́ nɛ a n bɔ baraabaraa ka wúlu màn tiɛ̃ nɛ, ǹ nə́ goã bɛ boe. Ǹ nə́ goã wúlu dɔ boe ka wúlu màn tiɛ̃n nɛ, ǹ mui dii zɔ́nɔn wɔn lɛa, ka biikoon mɛnɛn tumaa bɛ́ ǹ nə́ ǹ kɔ Dɛnaa Lawa la. Bɛ̀ á yoo bɛ la, wúlu mànan kɛn manɛ didie goã giɛ li mà a bɔ foo sii màn lɛa Dɛnaa Lawa nɛ.


ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»


Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.


Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»


Á bǐɛ̃ kɔ, bɛ lɛ taman yii, Dɛnaa Lawa Pàãyiidɛnaa, Izirayeli a Lawa n kɛ pii: Min tá re yii Rekabu a nɛgiĩ Zonaadaabu a sumu-n duduu, a dí nya ma yɔrɔ-a lɛawaa tumaa li.»


«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.


Ǹ bǎã kɔsɔ dɔ zɔɔ̃ a sasabaa n gùrù yii duu fuəwensooro, a pəməbaa n gùrù yii duu fù, bɛ goã *Levii tɔrɔn kɛn wɔ lɛa, ǹ mɛnɛn bɛ́ Lawa a kion lɛ a dí nyɛɛ. Ǹ tá re kionən doe walan ǹ giã a nɛ.


Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.


A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.


*Levii tɔrɔn wúlu bɔlen kɛn laanka Levii tɔrɔ gialakunun kɛn tumaa, bɛn ba re bǎã yii ǹ wɔ lɛa, ka Izirayeli minin gialakunun kɛn wɔ bɛ́ lɔn wa. Ǹ bɛ́ re wúlu mànan mɛnɛn koe Dɛnaa Lawa la ka mànan kɔsɔn mɛnɛn nɛ, bɛ á re goɛ̃ ǹ màn-bii lɛa.


Busu mɛn tumaa á ke ká gɔ̀nɔn ki busu babaraa kɛ bɛ́ lɔn, ka yiri bɔ bɛ li, màn mɛn bɛ́ toɛ, Levii tɔrɔ wúlu-bɔlen kɛn nə ka daraa màn mɛn tumaa ganaa bɛ wɔ paǹ li, ka bɛ tamaa sɔnbɔraa nɛ, ka kɔ lɛ. Ka n yiri kɔ li ka zɛnaa a kɔnpɛ ka maa gɔn waa ǹ boon kɛn nɛ má pɛ ka nɛ.


ǹ nə́ zaman lɛ doro ka boon kɛn nɛ: «Dɛnaa Lawa lɛ, kaa Lawa lɛa, bɛ̀ ka bɛa *lɛ kɔ kɔn la ǹ goo kɛ yɛ Levii tɔrɔ wúlu-bɔlen kɛn gɔn lɔn, didie yoo a n bɔ a giã ǹ bǎã nɛ a kɔ lɛ.


Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.


Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.


Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!


Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ