Zeremii 33:12 - LAWA A BOO SONBORE

¹² Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

LAWA A BOO SONBORE 2011

¹² Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

Zeremii 33:12 ပူးပေါင်းရင်းမြစ်များ

Loe kɔɔ̃n kɔɔ̃n 1:7

Nsɛ mɛn lɛ bɛ́ ma tá n narɛ, a pɛ ma-n le, ma n die woe ǹ tɔɔn lɛn lɛduĩ maa kəni? Penleen ne, ma n die ǹ tɔɔn lɛn mìi susui maa kəni? A pɛ ma nɛ, màn mɛn bɛ́ toɛ n miã tɔɔn-lɛduə̃lin kɛn, bɛn baran ma baa giĩn-kuruli lɛa wa.

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Zeremii 17:26

Minin tá re boe Zudaa kiwin ni ǹ daa, Zeruzalɛmu lɛkoro-a kiwin ni, Bɛnzamɛn gána nɛ, *Sefelaa nɛ, kelen la nɛ, ka Negɛvu ni. Ǹ tá re die Lawa a kion ka *wúlu màn tiɛ̃n nɛ ka wúlu màn tɔrɔ kɔsɔn nɛ, Lawa gɔ ǹ màn nɛ, nyɔɔ gìĩ kɔɔ̃n nɛ, ka barka da ǹ wúlu màn nɛ.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 31:24

Bɛa biikoo li kəni, Zudaa kiwi minin laanka a kiwi dadara minin ni, a buu-kɔsɔlin laanka a tɔɔ-lɛduə̃lin ni, ǹ tumaa á re giɛ̃ gána lɛ-n kun.

Zeremii 32:15

Dɛnaa Lawa Pàãyiidɛnaa Izirayeli a Lawa n kɛ pii: «Gána kɛ nɛ, minin tá re wusii ǹ kionən pii, wurun ni, ka rezɛ̃ wurun ni.»

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Zeremii 51:62

A pɛ: «Dɛnaa Lawa, n din nə́ n boo kɛ da: Baabilonii gána á re n bɔ̀n biɛ, min goon din ba re goɛ̃ a-n wa, minbuiin nɛ lɛa, hinlaa tɔɔ lɛa wa. A n die n biɛ kɛbɔlɔ lɛa yǎa duduu.»

Ezekieli 36:35

Minin tá re n toɛ: «Kiwi kɛ lɛ ǹ nə́ goã ǹ nə́ ziziɛ̃, á ke á n baa ka Edɛn dù gɔrɔ kɛ bɛ́ lɔn. Kiwin mɛnɛn bɛ́ ǹ nə́ goã ǹ nə́ wuru, ǹ nə́ ziziɛ̃ ǹ nə́ kɛbɔlɔ baa, ǹ nə́ kungɔn dɔ ǹ nə́ bɛn lɛnpɛnɛ nɛ, minin nə́ giã ǹ nɛ.

Azee 1:4

«Kaa giã kaa kion siĩnin kɛn nɛ biikoo na á dɔ ka yii li, a da yaa masɛ dɔ wɔ n ziziɛ̃-n tán ka yɔrɔ-a? Á kɔnbɔ ka giã kion siĩnin kɛn nɛ ka nyaǹ kaa ǹ gɔ́ɔ̃ nɛ, masɛ wɔ n kɛbɔlɔ biɛ?»