Zeremii 33:11 - LAWA A BOO SONBORE

¹¹ Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

LAWA A BOO SONBORE 2011

¹¹ Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 33:11 ပူးပေါင်းရင်းမြစ်များ

KZS1 16:34

Ka barka da Dɛnaa Lawa nɛ, a giala á siĩni, a minin narɛɛ a nyɛɛ duduu wa.

KZS1 16:8

Ka Dɛnaa Lawa guguru kɔ, ka a tɔ kɛ kalaa, ka a nya ǹ dí dadaran kɛn boo da tɔrɔ kɔsɔn bii.

KZS2 20:21

Bɛ kio, Zozafati laanka zaman lɛ kɔn ma, ǹ nə́ loe-lɔlin koa Dɛnaa Lawa wɔn lɛa. Ǹ dí n ka Lawa tɔ bɔ nɛ, a sonborebaa tumaa gɔ́ɔ̃ nɛ. «Ka loe lɔ ka Dɛnaa Lawa tɔ laakalaa nɛ, a minin narɛɛ lɛ n yǎa duduu!»

KZS2 29:31

Ezekiasi wusoo á boo saa á pɛ zaman lɛ nɛ: «Kanna kəni, kasɛn mɛnɛn gɔn bɛ́ piɛ̃-n ka wúlu màn nɛ Dɛnaa Lawa wɔ lɛa, ka wo Lawa a kion, ka wúlu màn tiɛ̃n nɛ, ka Lawa gɔ ǹ mànan nɛ ka Lawa tɔ bɔ nɛ.» Minin man die ka tɔɔn nɛ bɛa wúlun kɛn lɛn lɛa ka Lawa gɔ ǹ mànan nɛ. Min mɛnɛn gɔn bɛ́ siɛ, bɛn man wúlu màn tiɛ̃ koe.

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 7:3

Izirayeli minin tumaa tɛ lɛ yɛ boe lon gisĩ ka Dɛnaa Lawa a gugurubaa kɛ nɛ, Lawa a kion lɛ la. Ǹ nə́ n mìi kuməə ǹ nə́ n nyanlɛ doa tán, ǹ nə́ Lawa tɔ laakalaa ǹ loe loe ǹ nə́ pii: «Hiĩ, á bǐɛ̃ biɛ, a minin narɛɛ n duduu wɔ lɛa!»

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Nehemii 8:12

Zaman lɛ tumaa tɔ́n kiɛ̃ ǹ nə́ woo màn bii, ǹ nə́ màn mi, ǹ nə́ minin gii dɔ bɔ a nɛ, ǹ nə́ n nyɛnyɛɛ, a giala ǹ boon mɛnɛn lɛn nimi ǹ ni, ǹ nə́ bɛn giala ma.

Loen 106:1

Aleluya, ka Dɛnaa Lawa tɔ bɔ! Ka Dɛnaa Lawa guguru kɔ, a giala a sii á kɔɔ̃nɛ, a kɔn-narɛɛ gole kɛ n goɛ̃ yǎa duduu.

Loen 107:1

Ka barka da Dɛnaa Lawa nɛ, a giala, á siĩni. A kɔn-narɛɛ gole kɛ a nyɛɛ duduu wa.

Loen 107:22

Ka barka da ǹ wúlu mànan kɔ Lawa la. Ka foo kɔɔ̃nbaa ǹ loe lɔ, ka a nya ǹ dín kɛn laakalaa nɛ.

Loen 116:17

Ma á die maa barka da ǹ *wúlu màn koe n la, Dɛnaa Lawa, man die n din nyankoe.

Loen 147:13

A giala, kaa kiɛnlɛ-aǹ goon kɛn, a din na á ǹ fɔlɔ bàlàn baa kaka. A din na á barka da kaa nɛnyaanan ganaa kaa kiwi lɛ gɔ́ɔ̃ nɛ.

Loen 85:7

Wɔsɛn mɛnɛn bɛ́ n din a zaman lɛa, n ba re wusii n nyin kɔ wɔ la, wɔ boo la wɔ n nyɛnyɛɛ n din a sii gɔ́ɔ̃-n wa?

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Zeremii 16:9

Masɛ Pàãyiidɛnaa Lawa, Izirayeli a Lawa a da ǹ boo á ke: «Ma á re zɔ́n bìn diɛn lɛ kuri, foo kɔɔ̃n lɛ-dɛn nɛ ka kɔn-wɔle tiin loen ne. Bɛ n die n zɛnɛɛ ka yii ni kaa yiikoonaabaa gɔ́ɔ̃ nɛ kànaa dinin.»

Zeremii 17:26

Minin tá re boe Zudaa kiwin ni ǹ daa, Zeruzalɛmu lɛkoro-a kiwin ni, Bɛnzamɛn gána nɛ, *Sefelaa nɛ, kelen la nɛ, ka Negɛvu ni. Ǹ tá re die Lawa a kion ka *wúlu màn tiɛ̃n nɛ ka wúlu màn tɔrɔ kɔsɔn nɛ, Lawa gɔ ǹ màn nɛ, nyɔɔ gìĩ kɔɔ̃n nɛ, ka barka da ǹ wúlu màn nɛ.

Zeremii 25:10

Ma á re zɔ́n bìn-diɛn sàabiɛ, foo kɔɔ̃n lɛ-dɛn nɛ, ka kɔn-wɔle tenən loen ne. Wii lɔ ǹ gii wuu a re boe doo wa, bolonən ba re fúlu kiɛ doo wa.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Zonaasi 2:9

Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa.

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Sofonii 3:14

LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Zakarii 9:17

Ǹ foo á re kɔɔ̃n koe parsiini! Ǹ tá re siĩn koe parsiini! *Belee á re pàã koe nɛ tenən la, duvɛ̃ dii pàã kɔ nɛlɔ tenən la.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»