Zeremii 32:44 - LAWA A BOO SONBORE

⁴⁴ Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

LAWA A BOO SONBORE 2011

⁴⁴ Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 32:44 ပူးပေါင်းရင်းမြစ်များ

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Zeremii 13:19

Negɛvu a kiwin kiɛnlɛn tiɛ̃maa nɛ. Min kɔn ba ǹ buĩ doɛ̃ wa. Sonbore, ǹ nə́ Zudaa minin goa, ǹ nə́ woo ǹ tumaa nɛ bɛ̀rɛbaa ǹ bǎã nɛ.

Zeremii 17:26

Minin tá re boe Zudaa kiwin ni ǹ daa, Zeruzalɛmu lɛkoro-a kiwin ni, Bɛnzamɛn gána nɛ, *Sefelaa nɛ, kelen la nɛ, ka Negɛvu ni. Ǹ tá re die Lawa a kion ka *wúlu màn tiɛ̃n nɛ ka wúlu màn tɔrɔ kɔsɔn nɛ, Lawa gɔ ǹ màn nɛ, nyɔɔ gìĩ kɔɔ̃n nɛ, ka barka da ǹ wúlu màn nɛ.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 32:10

Má wuru lɛ a pii ǹ sɛ́wɔ zɛnaa màn paa, siéren yɔrɔ-a, má goon lɛ tã má ma gòon ganaa ǹ kaaran bǎã da la má a wɔrɔ zɔɔ̃ kilo la.

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 33:13

Kele yii kiwin kɛn nɛ ka *Sefelaa wɔn nɛ, Negɛvu kiwin ni, Bɛnzamɛn kiwin ni Zeruzalɛmu lɛkoro-a kiwin ni ka Zudaa kiwin ni, sèren laanka bòen tá re wusii ǹ kiɛ̃ ǹ nimii wole yɔrɔ-a.» Dɛnaa Lawa na á pɛ.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Abdiasi 1:19

Ezawu tɔrɔn kele yii kɛ á re doe gusin a lɛ̀gɔn la dɛnan kɛn ganaa. Ǹ mɛnɛn bɛ́ diə bǎã kɛ nɛ, Filisiti minin bǎã kɛ á re doe bɛn ganaa. Efrayimu tɔrɔn laanka Samarii minin bǎã kɛ á re doe Izirayeli minin ganaa. Galaati gána kɛ á re doe Bɛnzamɛn tɔrɔn ganaa.

Abdiasi 1:20

Ǹ Izirayeli a zia nɛn mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ, Kanaan gána ke, a wo Sarɛptaa kiwi yaa, bɛ á re doe bɛn ganaa. Ǹ Zeruzalɛmu minin mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ Sefaradi, gusin a lɛ̀gɔn la kiwin kɛn tá re doe bɛn ganaa.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Zakarii 7:7

Lɛlɛ, Lawa a boo gii-dalin nə́ goã ǹ nə́ gɔn waa boon kɛn miãn da ka Dɛnaa Lawa tɔ nɛ. Bɛa biikoo li, Zeruzalɛmu laanka a lɛkoro-a kiwi tumaa goã yii-nyɛɛ la. Minin nə́ goã giã nɛ Negɛvu gána nɛ ka *Sefelaa gána kɛ nɛ.