Zeremii 32:35 - LAWA A BOO SONBORE

³⁵ Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

LAWA A BOO SONBORE 2011

³⁵ Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 32:35 ပူးပေါင်းရင်းမြစ်များ

Kiin1 11:33

Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:7

Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Kiin1 14:16

Zeroboamu sii baraan mɛnɛn zɛnaa, á Izirayeli minin dɔn kaa a zɛnaa ganaa, Dɛnaa Lawa n die n là boe Izirayeli minin ganaa bɛ lɛ taman yii.

Kiin1 15:26

Sii mɛn bɛ́ baraa Dɛnaa Lawa yii li, Naadaabu bɛ zɛnaa. A na á kɔ ǹ di a nya ǹ dín lɛ. Ǹ di goã á Izirayeli minin kaa sii baraa-n lɔn, a dɔ́ zɛnaa miɛ̃.

Kiin1 15:30

Zeroboamu a sii baraan wɔ paǹ li. Zeroboamu goã á sii baraa mɛnɛn lɛn zɛnaa ka kɛn lɛn nɛ á Izirayeli minin kaa ǹ zɛnaa ganaa, á wɔ Izirayeli a Lawa, Dɛnaa Lawa lon ne.

Kiin1 16:19

A sii baraan mɛnɛn lɛn zɛnaa, bɛn man nə́ daa ka kɛ nɛ. Sii mɛn bɛ́ baraa Dɛnaa Lawa yii li, a na á goã bɛ zɛnɛɛ. A na á kɔ Zeroboamu a nya ǹ dín lɛ. Zeroboamu din sii baraa zɛnaa lɔn, a Izirayeli minin kaa a zɛnaa ganaa lɔn, Zimirii dɔ na á zɛnaa miɛ̃.

Kiin1 21:22

Man die n sumu lɛ biɛ ka Nebaati a nɛgiĩ Zeroboamu wɔ bɛ́ lɔn, man die biɛ ka Ayia a nɛgiĩ Bayesaa dɔ wɔ bɛ́ lɔn. A giala, n wɔ ma gasɛ nɛ, ń Izirayeli minin kaa sii baraa zɛnaa ganaa.»

Kiin2 21:11

– Zudaa gána a kii Manaasee sii bɔbɔnɛɛn zɛnaa. Á sii baraa zɛnaa á la Amɔɔrɔ tɔrɔn sii baraan kɛn tumaa nɛ, ǹ nə́ zɛnaa a nyɛɛnɛ lɛlɛ. Á Zudaa minin dɔn kaa sii baraa zɛnaa ganaa ka ǹ dìn ni,

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

Kiin2 23:15

Wúlu bɔ ǹ bǎã mɛn goã Betɛli, Zoziasi bɛ dɔ wuru. Nebaati a nɛgiĩ Zeroboamu mɛn goã á Izirayeli minin kaa sii baraa zɛnaa ganaa, bɛ na á goã á bɛa wúlu bɔ ǹ bǎã lɛ dɔ. Zoziasi bɛa wúlu bɔ ǹ bǎã kɛ lɛ laanka bɛa guguru kɔ ǹ bǎã kɛ lɛ ziziɛ̃, á tɛ da wúlu bɔ ǹ bǎã lɛ ganaa, á ton baa. Á Aseeraa nyin kɛ dɔ tã.

Kiin2 3:3

Sɛnɛ Nebaati a nɛgiĩ Zeroboamu goã á Izirayeli minin da sii baraa mɛn a zɛnaa ganaa, Zoramu gɔn na á goã paraa-n bɛa zɛnaa ganaa, a n bɔ a zɛnaa wɔlɔ li wa.

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

KZS2 33:9

Sɛnɛ, Manaasee Zeruzalɛmu minin laanka Zudaa gána minin kaa sii baraa zɛnaa ganaa. Ǹ sii zɛnaa baraa kɔ á la tɔrɔn kɛn wɔn manɛ Dɛnaa Lawa nə ǹ loo á ǹ bǎã kɔ Izirayeli minin la.

KZS2 36:14

Ka bɛ dɔ nɛ, Lawa a wúlu-bɔlen nyɛɛnaandɛnan laanka zaman tumaa nə́ n bɔyaa ǹ nə́ bɔlɔgoonbaãdɛnan baa Lawa ganaa. Maǹ tɔrɔ kɔsɔn sii bɔbɔnɛɛn lɛn zoɛ̃. Lawa a kion ke Dɛnaa Lawa wɔ lɛa, Zeruzalɛmu, ǹ nə́ bɛ gɔgɔrɛ kɔ.

Bɔ bɛ̀rɛbaa nɛ 32:21

Á tɔ́n nɔ̀n da Aarɔn la: «Zaman kɛ na á wàa zɛnaa n nɛ, ń lɛ kɔ ń sii baraa gole taãn-taãn da ǹ mìi ni?»

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Zeremii 19:2

Bɔ kiɛnlɛ kɛ nɛ ǹ nə́ bíi "dɔnɔn kiɛnlɛ", n wo Inɔn nyankɔrɔ lɛ kɛ nɛ. Ma bɛ́ re boon mɛnɛn pii n ni, n lɛ dɛ ǹ nɛ walan.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Ezekieli 23:37

A giala, maǹ nə́ naarɛbaa zɛnaa, ǹ nə́ gɛ̀ dɛ. Ǹ dìn guguru kɔ kɛ lɛ n naarɛbaa lɛa ǹ nə́ zɛnaa. Ǹ nɛnyaanan mɛnɛn yɛ maa wɔn lɛa, ǹ nə́ wúlu bɔ ka bɛn dɔn dinin ni dìn lɛn ganaa.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Nya ǹ dín 7:43

Táa ka n ká dì Mɔlɔki kɛa da ǹ mɔnaa kion gũ, dì Refan kɛ dɔ ka leere bɛ́ lɔn, ka bɛ dɔ nyín gũ. Ka ǹ ká bɛa màn nyínin kɛn lɛn zɛnaa ka tá ǹ guguru koe. Bɛ lɛ taman yii ni, ma á re toɛ ǹ ka goa, ǹ wo ka-n sɔsɔɔ *Baabilonii kiwi kɛ kio.»

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Timəə dí-pɛn 24:4

ǹ zuũ bibinaa mɛn lɛ loo, bɛa boe la a saa doo, a baa a lɔ lɛa wa. A giala, lɔ lɛ na á *gɔ̀ da a din ganaa. Dɛnaa Lawa yɔrɔ-a, sii bɔbɔnɛɛ nɛ. Kaa Lawa, Dɛnaa Lawa bɛ́ gána mɛn lɛ koe ka la, mà a kaa wɔ baa, ka nyan toa ka a minin kaa sii baraa zɛnaa ganaa wa.