Zeremii 32:29 - LAWA A BOO SONBORE

²⁹ Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

LAWA A BOO SONBORE 2011

²⁹ Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 32:29 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Nehemii 8:16

Zaman lɛ tɔ́n soo ǹ nə́ woo, ǹ nə́ daa ka siãn lɛn dɔ ǹ mànan nɛ. Didie siã lɛ dɔ a kalan, ǹ nə́ ǹ dɔ ǹ dinin sumun ni. Ǹ nə́ ǹ dɔ Lawa a kion kɛ a sumun ni, ka Mu kiɛnlɛ bǎã kɛ nɛ, ka Efrayimu kiɛnlɛ bǎã kɛ dɔ nɛ.

Izayii 22:1

"Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 21:10

Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 32:3

Sedekiasi din na á toa ǹ nə́ Zeremii da kòso-n. A giala, a n Zeremii zɛ̀rɛ biɛ Dɛnaa Lawa a da ǹ boon kɛn taman yii á pɛ: «Ma á re Zeruzalɛmu we Baabiloniin kii gɔn, a kũ.

Zeremii 34:2

– Dɛnaa Lawa, Izirayeli a Lawa n kɛ pii: «Wo pɛ Zudaan kii Sedekiasi ni, mà masɛ n kɛ pii: Man die kiwi kɛ we Baabiloniin kii gɔn, a tɛ da a ganaa.

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 44:25

Dɛnaa Lawa Pàãyiidɛnaa Izirayeli a Lawa n kɛ pii: «Ka laanka kaa lɔn man ka pɛ kɛnɛn: Wɔ n lɛ kɔ wáa wɔ á re da yon gìĩ kɔɔ̃n laanka duvɛ̃ zumii lon a kii lɔ la. Wɔ ǹ li wɔ wɔa lɛ-kɔ lɛ pã.» Ka bɛ́ li lɔn ka zɛnaa miɛ̃, ka kaa lɛ-kɔn lɛ pã!

Zeremii 52:12

Baabiloniin kii Nebukadenezɔɔrɔ a kiibaa lɛ̀ fulumanangɔrɔbaa ǹ wɔ a mui soorobaa ǹ wɔ a lɛawaa fùbaa ǹ wɔ pinaa, Nabuzaradan wɔ Zeruzalɛmu. Baabiloniin kii-lɛduə̃lin goledɛnaa nɛ. A na á goã kun ka kii lɛa min yii guguru-an nɛ.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Zeremii 7:17

Ǹ bɛ́ sii mɛn zɛnɛɛ Zudaa kiwin ni ka Zeruzalɛmu a zii mìin ni n yii tá bɛ ganaa?

Zeremii 7:18

Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Ezekieli 23:47

Zaman lɛ kɔlɔ kaã bɔ ǹ ganaa, ǹ nə ǹ nana kɔn ka gɔya nɛ. Ka ǹ nɛgiĩn laanka ǹ nɛlɔn dɛ, ka tɛ da ǹ kionən ganaa.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.

Nya ǹ dín 10:9

Bɛa sii lɛ a lɛawaa, Kɔrnɛyi a dia dí-a wolen lɛn bɛ́ zii tɔ we, ǹ nə́ diri kiwi la. Piɛrɛ na á goã kala-n, a n Lawa nyankoe. Penleen tiɛɛ̃n kɛ miã nɛ.

Ebrəə 3:16

Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ.