Zeremii 32:24 - LAWA A BOO SONBORE

²⁴ «Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

LAWA A BOO SONBORE 2011

²⁴ Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 32:24 ပူးပေါင်းရင်းမြစ်များ

Samayeli2 20:15

Zoabu laanka a minin lɛn tumaa daa Sebaa lɛnpɛnɛ Abeli-Bɛti-Maakaa kiwi. Ǹ nə́ tii kaa kɔn la yǎa a mìi la yoo á dɔ kiwi lɛ a kungɔn li. Zaman mɛn tumaa goã kun ka Zoabu ni, bɛn man nə́ goã kiwi lɛ a kungɔn lɛ giala gɔsiɛ, màn mɛn bɛ́ toɛ, a bɔ a kaa.

Izayii 37:33

Dɛnaa Lawa bɛ́ boo mɛn diɛ Asiiriin kii wɔ paǹ li, bɛ á ke: A re we kiwi kɛ-n wa, a re kiɛ goon din zuĩ a-n wa. A re yɔ boe a ganaa wa. A re goóron koɛ a din siã a yoo a gialaa wa. A re tii diɛ kɔn la a ganaa wa.

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 20:5

Zeruzalɛmu a naforon tumaa nɛ, a dí nya á màn mɛn tumaa yɛ, a màn giɔ̀mɔ kakan nɛ, ka Zudaan kiin naforon ne, man die bɛ yii we ǹ zɔ́ɔn gɔn, ǹ kokoo, ǹ goa ǹ wo ǹ ne *Baabilonii gána nɛ.

Zeremii 24:10

Man die yui ǹ gialaa ka zia nɛ, ma bòo kaa ǹ ganaa, ka piɛ̃ busu ni yǎa ǹ papaɛ̃ gána kɛ nɛ ma kɔ ǹ la, ka ǹ digolon ne.»

Zeremii 29:17

Dɛnaa Lawa Pàãyiidɛnaa n kɛ pii: «Man die yui ǹ gialaa ka zia nɛ, bòo ne ka piɛ̃ busu ni. Man die ǹ biɛ ka gɔ́rɔ bɔnɛɛ bɛ́ lɔn, bɔnɛɛ, min ná a boe la á bii wa.

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 32:25

Taãn nɛ, ǹ nə́ Zeruzalɛmu kũ á nya! A da yaa Dɛnaa Lawa, ń ma da wuru pii ganaa Anaatɔti, a wɔrɔ nə n saraa siéren yɔrɔ-a. Bɛ mìi, Dɛnaa Lawa?»

Zeremii 32:28

Bɛ lɛ nɛ, masɛ Dɛnaa Lawa á kɛ pii: «Man die Zeruzalɛmu we Baabilonii minin gɔn ka ǹ kii Nebukadenezɔɔrɔ nɛ, ǹ kũ.

Zeremii 32:3

Sedekiasi din na á toa ǹ nə́ Zeremii da kòso-n. A giala, a n Zeremii zɛ̀rɛ biɛ Dɛnaa Lawa a da ǹ boon kɛn taman yii á pɛ: «Ma á re Zeruzalɛmu we Baabiloniin kii gɔn, a kũ.

Zeremii 32:36

Ka n pii Zeruzalɛmu a paǹ li: Zia nɛ, bòo ne ka piɛ̃ busu nə́ ǹ wɔ Baabiloniin kii gɔn. Kanna kəni, ma din Dɛnaa Lawa Izirayeli a Lawa bɛ́ màn mɛn pii bɛa kiwi kɛa paǹ li, á ke:

Zeremii 32:5

Ǹ tá re woe ka Sedekiasi ni Baabilonii gána nɛ. Á re goɛ̃ walan, yǎa ǹ mɛn waáraa bɛ̀ má n yiri koa li. Dɛnaa Lawa a da ǹ boo ne. Ta ka woo nyɛɛnɛ ka zia nɛ Baabilonii minin ganaa, kooro ne, ka a re boe màn kɔn la wa.»

Zeremii 33:4

Masɛ Dɛnaa Lawa, Izirayeli a Lawa n kɛ pii Zeruzalɛmu a kionən laanka Zudaa a kii kionən wɔ paǹ li. Ǹ wuriimaa nɛ. Là ba a ganaa ka zia baa *Baabilonii minin sɔraasin ganaa wa. Bɛ̀ ka bɛ zɛnaa, kiwi lɛ n die piɛ̃ ka geren ne, maa foo yoo gole kɛ taman yii. Zeruzalɛmu minin sii baraa la yii ni, bɛ lɛ nɛ má n dɔ̀ɔ̃ wɔ ǹ nɛ.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 52:4

Bɛ lɛ nɛ, Baabiloniin kii Nebukadenezɔɔrɔ yoo Zeruzalɛmu gialaa ka a sɔraasin tumaa nɛ. A sɔraasin nə́ ǹ giã ǹ bǎãn koa kiwi lɛ yɔrɔ-a, ǹ nə́ ziabaa ǹ kungɔn dɔ ǹ ná a lɛnpɛnɛ nɛ. Bɛ na á n zɛnaa Sedekiasi a kiibaa lɛ̀ manangɔrɔbaa ǹ wɔ li, a mui fùbaa ǹ wɔa lɛawaa fù.

Zeremii 52:6

Bòo wɔ Zeruzalɛmu. Á baraa kɔ, haalɛ màn-bii kɔn din goã a tan wa. Bɛa lɛ̀ lɛ a mui siibaa ǹ wɔ a lɛawaa manangɔrɔbaa ǹ wɔ li,

Zeremii 6:6

Dɛnaa Lawa Pàãyiidɛnaa a da ǹ boo á ke: «Ka dan kuru, ka ziabaa ǹ kungɔn dɔ Zeruzalɛmu ganaa.» Kiwi mɛn doamaa bɛ-n ka dɔlɔ nɛ, asɛ mɛn a sii tumaa bɛ́ ka kakaarɛbaa nɛ.

Ezekieli 14:21

Bɛ kio, Dɛnaa Lawa wusoo á pɛ ma nɛ: Dɔlɔ màn sii ni masɛ da Zeruzalɛmu kiwi lɛ mìi ni, ma tá a minbuiinin laanka a tɔɔn dii ni: zia nɛ, bòo ne, don màn babaraan nɛ, ka piɛ̃ busu ni.

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 26:8

N lɛkoro lɛ-a kiwin kɛn yìsi mu lɛkoro-a, kii lɛ á re bɛn dii lenlen. Á re nyankɔrɔn fɔfoɛ̃, á re bèlèn doe, á re kungɔn doe, a giã bɛ kio goóro lɛa, bɛ̀ a kuu kɔ n ganaa.

Ezekieli 4:2

N nyaa, ka maǹ nə́ kũ. N nyankɔrɔ bɔ, n na a tii dɔ kaa kɔn la n kiwi nyín lɛ lɛnpɛnɛ nɛ, zia-baalin bǎãn nyín ni, ka ziabaa ǹ màn dadaran nyínin ni, n kiwi nyín lɛ lɛnpɛnɛ nɛ.

Abakuku 1:10

KIIN ba màn kɔn lɛa ǹ yii li wa. Ǹ laadoo bie ka gána a nyɛɛnaandɛnan nɛ wa. Kiwi tamaa-wolen ba nyɛ́ɛ diɛ ǹ ganaa wa. Maǹ tii diɛ kɔn la kungɔnɔn kio, ǹ dii la, ǹ boo la ǹ kiwin kũ.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.