Zeremii 32:22 - LAWA A BOO SONBORE

²² N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.

LAWA A BOO SONBORE 2011

²² N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.

Zeremii 32:22 ပူးပေါင်းရင်းမြစ်များ

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 24:7

Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Nehemii 9:15

Bòo bɛ́ ǹ ganaa, ń màn-bii bɔ lon ń kɔ ǹ la, mu boro bɛ́ ǹ ganaa, ń mu bɔ para nɛ ń kɔ ǹ la. N goã ń nə́ n liɛ mà nsɛ tá gána mɛn lɛ koe ǹ la, ń pɛ ǹ nɛ, mà ǹ bɛ si ǹ baa ǹ wɔ lɛa.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Zeremii 11:5

Bɛa yɔrɔ lɛ la, ma lɛ-kɔ mɛn wɔ ka ka digolon ne, máa ma á re gána koe ǹ la, bɔ̀nyaa laanka zoo nyɔɔ n baa sii a nɛ, ma á re bɛ lɛ piɛ̃. A din lɛ n ke ka tá a-n pelo.» Má a lɛ si: «Hiĩ Dɛnaa Lawa!»

Ezekieli 20:15

Má wusoo má n liɛ ǹ nɛ diə gole lɛ-n doo má pɛ ǹ nɛ máa ma goã má gána mɛn lɛ kɔ ǹ la, bɔ̀nyaa laanka zoo nyɔɔ bɛ́ baa sii gána mɛn nɛ, siĩni á la gánan tumaa nɛ, máa ma a re we ǹ ne walan doo wa.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Minin nimi 14:16

«Dɛnaa Lawa goã á n lɛ kɔ zaman lɛ la ka gána mɛn lɛ nɛ, a bɛ́ a ba boe la a tá we ǹ ne walan wa, bɛ lɛ n ke á ǹ dɛ diə gole ne.»

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Timəə dí-pɛn 1:35

«Min babaraan mɛnɛn nə soo Ezipti gána nɛ, ma n liɛ, máa ma á re gána sonbore mɛn lɛ koe ǹ digolon la, ǹ goon gòã ba re miɛ a-n wa,

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 6:10

Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,

Timəə dí-pɛn 6:18

Sii mɛn bɛ́ pepere, á n siĩni Dɛnaa Lawa yii li, ka bɛ zɛnaa. Bɛ á re toɛ, kaa wɔ bǐɛ̃ kɔ. Dɛnaa Lawa nə n liɛ mà asɛ á re gána sonbore mɛn koe ka la, ka boo la ka wɔ bɛ nɛ, ka si ka baa kaa wɔ lɛa.

Timəə dí-pɛn 6:23

A na á wɔ waa, á wɔ bɔ walan. Dɛnaa Lawa nə n lɛ kɔ wɔ digolon la ka gána mɛn nɛ, á woo wɔ kaa walan, á kɔ wɔ la.

Timəə dí-pɛn 7:13

Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

Timəə dí-pɛn 8:1

Ma bɛ́ gɔn waa ǹ boon mɛnɛn tumaa pii ka-n pelo ke, ka n yiri koa li, ka kɔ ǹ lɛ. Bɛ á re toɛ ka yii goã koo, ka mɔnaa, ka boo la ka wɔ gána kɛ nɛ, Dɛnaa Lawa nə́ n liɛ mà asɛ á re koe ka digolon la.

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.