Zeremii 32:20 - LAWA A BOO SONBORE

²⁰ «Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

LAWA A BOO SONBORE 2011

²⁰ Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

Zeremii 32:20 ပူးပေါင်းရင်းမြစ်များ

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

KZS1 17:21

Tɔrɔ kɔn tá yii tán la a n kɔnboe ka n zaman Izirayeli ni? Ń wɔ si, ń wɔ baa n din a zaman lɛa. Ń kaãbaa ǹ siin dadaran zɛnaa wɔ a lɛa, ń nə́ n din tɔ bɔ nɛ. Ń nə́ n zaman lɛ si Ezipti minin la, ń tɔrɔn loo ǹ nyɛɛnɛ.

Nehemii 9:10

Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Nehemii 9:11

Ń yìsi mu yu kɔn ǹ nyɛɛnɛ, ǹ nə́ tɔ wɔ tán gere la, ǹ nə́ kiɛ̃ yìsi mu lɛ bii. Min mɛnɛn nə goã ǹ kio lui, ń bɛn gisĩ mu giala-n, ka kɔlɔ a dɔ mu gole li bɛ́ lɔn.

Loen 135:9

Á kɔlɔnbaa ǹ siin laanka kaãbaa ǹ siin zɛnaa kaa piɛ, kasɛn Ezipti minin lɛn! Á yoo Eziptin kii laanka a kiodɛnan tumaa gialaa.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 3:20

Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 63:14

Ǹ kɔnboe n ka tɔɔ kuru ni, woe nyankɔrɔ basa nɛ. Dɛnaa Lawa Yiri n miɛ ǹ nyɛɛnɛ, woe ǹ ne susu ǹ bǎã nɛ.» Taãn nɛ Dɛnaa Lawa, bɛa yɔrɔ lɛ la, n mɛ n zaman lɛ nyɛɛnɛ, màn mɛn bɛ́ toɛ, n tɔ golebaa yɛ.

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Timəə dí-pɛn 11:3

ka a sii kakan mɛnɛn zɛnaa, á n din pàã nyaa nɛ. Á yoo Eziptin kii *Faarahɔn laanka a gána minin tumaa gialaa.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 6:22

Á kaãbaa ǹ sii dadaran zɛnaa wɔ dinin yii ni, á bɔ̀n da Ezipti gána ganaa, ǹ kii ni, ka a kion minin tumaa nɛ.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.