Zeremii 32:19 - LAWA A BOO SONBORE

¹⁹ Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

LAWA A BOO SONBORE 2011

¹⁹ Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 32:19 ပူးပေါင်းရင်းမြစ်များ

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Zɔbu 34:11

A giala, a n minbuiin nɛ sarɛɛ, a kɔnpɛ ka a zɛnaa ǹ sii ni. A n didie sarɛɛ, a kɔnpɛ ka a tɔ wɔ ǹ gɔn nɛ.

Zɔbu 34:21

A giala, Lawa n giɛ minbuiin nɛ a tɔ wɔ ǹ gɔn ganaa, a gòã saa gogoonmaa yii, Lawa nə n yiri koɛ li.

Loen 111:2

Dɛnaa Lawa a nya ǹ dín lɛn man dadara. Min mɛnɛn tumaa bɛ́ ǹ narɛ, bɛn manə n taasɛ ǹ ganaa.

Loen 34:15

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Suusun 5:21

Dɛnaa Lawa yii-n minbuiin nɛ tumaa a zɛnaa ǹ siin ganaa, a tá ǹ ziin tumaa doɛ̃.

Suusun 8:14

Doroo laanka gɔn waa n masɛ wɔ lɛa. Ma din ni sii-doɛ̃ lɛa, pàã n ma din lon.

Boo-laakalaali 12:14

Sonbore, Lawa tá re nya ǹ dí tumaa a kiri we, ka sii mɛn tumaa bɛ́ durii ni, ta bǐɛ̃ nɛ, hinlaa baraa nɛ.

Izayii 28:29

Bɛa dí nya ǹ gɔn kɛ dɔ n boe Dɛnaa Lawa Pàãyiidɛnaa li. Yiri kɔ wole sonbore ne, a dí-doɛ̃ á gole.

Izayii 40:13

Die bin na á Dɛnaa Lawa Yiri a woo ǹ bǎã yɛ? Die bin na á doroo kɔ la?

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 21:14

Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 25:14

Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

Zakarii 9:1

Dɛnaa Lawa a da ǹ boo á ke: Dɛnaa Lawa a boo dɔ Adraki gána nɛ, á dɔ yǎa Damaasi kiwi. A giala, Dɛnaa Lawa bie n yiin doɛ Izirayeli tɔrɔn dininsɔɔ̃nɔn la wa, sɛnɛ, a n doɛ minbuiin nɛ tumaa la.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Zaã a sɛ́wɔ 5:29

ǹ yii á die kiɛ. Min mɛnɛn bɛ́ ǹ nə́ goã sii bǐɛ̃ zɛnɛɛ, bɛn yii á die kiɛ ǹ yiikoonaabaa yɛ, min mɛnɛn bɛ́ ǹ nə́ goã sii baraa zɛnɛɛ, bɛn yii á die kiɛ, dɔlɔ nə n bɔ ǹ ganaa.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.