Zeremii 32:18 - LAWA A BOO SONBORE

¹⁸ N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

LAWA A BOO SONBORE 2011

¹⁸ N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

Zeremii 32:18 ပူးပေါင်းရင်းမြစ်များ

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Kiin2 9:26

«Ma Naabɔti mà yɛ gunun, ka a nɛnyaanan wɔ nɛ. Dɛnaa Lawa a da ǹ boo ne. Man die bɛ lɛ miã zɛnɛɛ n dɔ nɛ, a din wuru goon kɛ lɛ nɛ. Dɛnaa Lawa a da ǹ boo ne!» Sisia kəni, Zoramu lɛ bɔ n zũ bɛa wuru lɛ nɛ, ka Dɛnaa Lawa goã a ná a boo da lɔn.

Nehemii 1:5

Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Loen 89:9

Dɛnaa Lawa, Lawa Pàãyiidɛnaa, die n kaka ka n bɛ́ lɔn, Dɛnaa Lawa? N din nə pepere sii tumaa gɔ́ɔ̃ nɛ.

Bɔ bɛ̀rɛbaa nɛ 34:6

Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Izayii 10:21

Sonbore, gialakun tá re wusii a daa. Zakɔba gialakun boɛɛn kɛ á re n bɔyɛɛ a wo Dɛnaa Lawa Pàãdɛnaa li.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Zeremii 33:2

«Dɛnaa Lawa n kɛ pii asɛ mɛn bɛ́ màn tumaa a zɛnaali lɛa, á ǹ yɔrɔ boe, á ǹ koɛ. A tɔ n Dɛnaa Lawa.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Abakuku 1:12

A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Luku 6:38

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timəə dí-pɛn 7:21

Ka nyan nyɛ́ɛ baa ǹ nɛ wa. A giala, kaa Lawa, Dɛnaa Lawa tá ka bii. Lawa gole ne, a sii á nyɛ́ɛ diɛ.