Zeremii 31:8 - LAWA A BOO SONBORE

⁸ A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

LAWA A BOO SONBORE 2011

⁸ A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Zeremii 31:8 ပူးပေါင်းရင်းမြစ်များ

Loen 107:3

á ka bɔ gánan tumaa nɛ, á ka lɛ sɔkɔn, a saa lɛ̀giala ganaa a wo lɛ̀nyɛɛn li, a saa gusin a lɛ̀guru ganaa a wo gɔsɛ a lɛ̀guru li.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Zeremii 16:15

Sɛnɛ, ǹ tá re pii: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn Izirayeli minin waa gɔsɛ a lɛ̀gɔn la gána nɛ ka gána kɔsɔn kɛn nɛ á goã á ǹ pɛsɛ̃ ǹ nɛ.» Hiĩ, ma gána mɛn kɔ ǹ digolon la, ma á re wusii ma da ǹ nɛ walan.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 23:8

Sɛnɛ, ǹ tá re pii: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa gɔsɛ a lɛ̀gɔn la gánan nɛ á soo ǹ ne gánan kɛn tumaa nɛ á ǹ pɛsɛ̃ ǹ nɛ, a n die ǹ soekɔn ǹ gána nɛ!»

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Ezekieli 20:34

Ma goã má ka pɛsɛ̃ gánan mɛnɛn nɛ, tɔrɔn mɛnɛn bii, ma á re maa foo-yoo kɛ nyɛɛ ka nɛ, ma tɔn ka waa bɛn bii ka pàã laanka boo sii la nɛ, ma ka sɔkɔn.

Ezekieli 20:41

Ka bɛ́ pɛsiɛ̃-n gánan mɛnɛn nɛ, bɛ̀ má ka waa má ka bɔ tɔrɔ kɔsɔn kɛn bii walan má ka sɔkɔn ǹ mɛn waáraa, ma á re n diɛ ka lɛ sɔnbɔraanɛ, ka nyɔɔ gìĩ kɔɔ̃n kɛ bɛ́ lɔn, a sii n kiɛ ma foo la. Man die bɛ zɛnɛɛ ka nɛ, ma maa Lawa taãnbaa nyaa tɔrɔ kɔsɔn lɛn manɛ.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 34:13

Ma á re ǹ wɛɛ ma ǹ bɔ tɔrɔn bii, ma á re ǹ wɛɛ ma ǹ bɔ gána kɔsɔn nɛ, ma ǹ sɔkɔn, ma da ǹ nɛ, ǹ dinin gána nɛ. Ma á re ǹ kiɛ buu ganaa Izirayeli gána a kelen kɛn la, nyankɔrɔ basan kɛn nɛ, ka gána lɛ a bǎã mɛn tumaa bɛ́ min nə́ boe la a n giɛ̃ a nɛ.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Misee 4:6

Dɛnaa Lawa a da ǹ boo á ke: «Bɛa pinaa kɛ lɛ nɛ, wɔ̀lɔ̀ goã ǹ mɛnɛn lɛn ganaa ka sère busulən bɛ́ lɔn, ma á re bɛn soekɔn. Ǹ goã ǹ nə́ ǹ mɛnɛn loo, ǹ nə́ woo ǹ ne, ma fuu nyaa ǹ mɛnɛn lɛn manɛ, ma á re wusii ma ǹ si.

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Matiə 12:20

Buu mɛn bɛ́ a n pusu, a die bɛ yiɛ wa, Bólon mɛn nə́ ke tɔn tɛ siã boe, a die bɛ nimi wa. A n die zɛnɛɛ miɛ̃ yǎa minin nə Lawa foo sii doɛ̃.

Zaã a sɛ́wɔ 21:15

Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «ZAÃ a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?

Timəə dí-pɛn 30:4

Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Ebrəə 12:12

Ka wusoo ka n gù wen yii, ka ǹ yii taãn-taãnɛ.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.