Zeremii 31:35 - LAWA A BOO SONBORE

³⁵ Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

LAWA A BOO SONBORE 2011

³⁵ Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Zeremii 31:35 ပူးပေါင်းရင်းမြစ်များ

Zɔbu 26:12

A din pàã n boe kɔ̀ mu la, a yiridɛnaabaa n mu li ǹ màn babaraa kɛ yɔyɔrɛ.

Zɔbu 38:33

Landan mɛnɛn nə n koa lon, n tá bɛn doɛ̃? Nsɛ n minin kiɛ ǹ kɔmalɛ ganaa tán kɛ la?

Loen 106:9

Á paraa Sawɛɛ tà lɛ li, á laa. Á toa ǹ nə́ tɔ wɔ nyankɔrɔ zuzulun ni, ka n pɛ mà don gɔ́ɔ̃ nɛ.

Loen 119:89

Dɛnaa Lawa, n boo lɛ na a tan yǎa duduu. A n ka lon bɛ́ lɔn, a ba n bɔyɛɛ wa.

Loen 119:91

Haalɛ tɔn pelo, màn tumaa na a tan, a kɔnpɛ ka n din a sii yɔrɔ bɔ nɛ. A giala, màn tumaa n dí nyɛɛ n din ni.

Loen 148:6

A na á ǹ koa yǎa duduu. Á landan koa ǹ la, bɛn ba n bɔyɛɛ wa.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 72:5

Toa min tumaa nyɛ́ɛ baa n din ni biikoo tumaa li, yǎa duduu.

Loen 74:13

Ń kɔ̀ mu kũ ń golee ne, ka n din pàã nɛ. Ń tɔɔ babaraa piɛ̃wolen kɛn mìi yu.

Loen 74:16

Lɛawaa nə n din wɔ lɛa, tèlò dɔ nə n din wɔ lɛa. N din nə́ ń mui laanka wasa koa ǹ bǎã nɛ.

Loen 78:13

Á kɔ̀ mu yu kɔn màn paa, á toa ǹ nə́ kiɛ̃. Á mu lɛ sɔkɔn wɔlɔ paa ka tà-zuĩ ni.

Loen 89:2

Man die Dɛnaa Lawa a bǐɛ̃baa dadaran kɛn loe loe lɛa, biikoo tumaa li. Man die n peperebaa kɛ laakalɛɛ yǎa duduu.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 32:18

N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

Zeremii 33:20

– Masɛ Dɛnaa Lawa bɛ́ boo mɛn diɛ, á ke: «Ka á boe la ka maa lɛ-kɔ kɛ sàabaa lɛawaa laanka tèlò bii? Ka á boe la ka lɛawaa sàabaa a kɔ tèlò lɛ, hinlaa ka tèlò sàabaa a kɔ lɛawaa lɛ? Haayii!

Zeremii 33:25

Masɛ Dɛnaa Lawa n kɛ pii: «Má lɛ-kɔ wɔ lɛawaa laanka tèlò bii. Má landa siin koa lon laanka tán wɔ lɛa.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Zeremii 51:19

Sɛnɛ, Zakɔba a naforo ke, bɛ ba ka ǹ bɛ́ lɔn wa. Asɛ n kanaa tumaa a zɛnaali lɛa. A wɔ n ka Izirayeli tɔrɔn nɛ. A tɔ n: "Dɛnaa Lawa Pàãyiidɛnaa".

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Amɔɔsi 9:8

Á ke, Izirayeli gána lɛ na á sii baraa zɛnaa, Dɛnaa Lawa na á n yii soo a ganaa á pɛ kɛnɛn: «Man die ǹ dii lenlen ma ǹ bɔ kanaa. Sɛnɛ, Zakɔba tɔrɔn kɛn, ma a die bɛn tumaa dii wa.» Dɛnaa Lawa a da ǹ boo ne.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.