Zeremii 31:28 - LAWA A BOO SONBORE

²⁸ Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

LAWA A BOO SONBORE 2011

²⁸ Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

Zeremii 31:28 ပူးပေါင်းရင်းမြစ်များ

Zɔbu 29:2

– Ee, die n die toɛ ma wusoo man baa ka maa lɛlɛ ǹ kɛ bɛ́ lɔn, Lawa bɛ́ á goã giɛ ma walan biikoo mɛn waáraa.

Loen 102:16

Tɔrɔ kɔsɔn kɛn tá re nyɛ́ɛ biɛ Dɛnaa Lawa tɔ kɛ nɛ. Kanaa a kiin kɛn tumaa á re n nyɛnɛɛ n gugurubaa kɛ nɛ.

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Loen 69:35

Lon mànan laanka tán wɔn nɛ, yìsi mu laanka a gɔ́ɔ̃gɔ́ɔ̃ ǹ mànan nɛ, ka Lawa tɔ bɔ.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Zeremii 1:12

Dɛnaa Lawa pɛ ma nɛ: «N yɛ parɛ! Bɛ n nyɛɛ mà ma á re maa da ǹ boo kɛ lɛ piɛ̃ fufuu.»

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Zeremii 32:42

Dɛnaa Lawa n kɛ pii doo: «Ma din ni má koe gole kɛ tumaa da Zudaa gána mìi ni. A din yɔrɔ goon la, ma n lɛ kɔ ǹ la ka yii-nyɛɛ gole mɛn nɛ, ma din nə die bɛ dɔ koe ǹ la.

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zeremii 44:27

Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.

Zeremii 45:4

Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

Ezekieli 19:12

Sɛnɛ, ǹ nə́ woɛ̃ ka foo ne, ǹ nə́ zũ tán. A nɛ mɛn kaa tán, lɛ̀giala a piɛ̃ kɛ bɛ laa, a gùrù dadaran lɛn nə́ laa, tɛ nə́ ǹ kũ.

Ezekieli 36:10

Izirayeli gána tumaa nɛ, ma á re zaman mɔnɛɛ. Maa kɛbɔlɔn lɛn tá re wusii n nə n dɔ, minin nə wusoo ǹ giã kiwin lɛn nɛ.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Zakarii 8:14

Dɛnaa Lawa bɛ́ boo mɛn pii á ke: «Ka digolon bɛ́ ǹ nə́ ma foo yoo, má golee goon la máa man die baraa zɛnɛɛ ka nɛ.

Zakarii 8:15

Sɛnɛ, kanna, Zeruzalɛmu minin laanka Zudaa minin lɛn, má golee li máa man die bǐɛ̃ zɛnɛɛ ka nɛ. Nyɛ́ɛ nyan ka kũ wa.

Nya ǹ dín 15:16

Lawa pɛ: «Bɛa sii kɛ lɛ kio, ma á re die, Davida tɔrɔ minin mɛnɛn bɛ́ ka kion kaa wole bɛ́ lɔn, ma á re wusii ma ǹ saa ma ǹ da lon. Bɛa kion kɛ lɛ a kɛ-bɔlɔ mɛn goã, ma á re wusii ma bɛ dɔ, ma da lon.

Timəə dí-pɛn 30:9

Kaa Lawa, Dɛnaa Lawa lɛ á re kaa nya ǹ dí tumaa bǐɛ̃ koe ka gɔn. Á re toɛ kaa nɛnyaanan laanka kaa tɔɔn nə mɔnaa, á re kaa tán-kɔsiɛ dɔ bǐɛ̃ koe. Bǐɛ̃ zɛnaa ǹ foo mɛn yɛ a lon ka digolon wɔ paǹ li, bɛ lɛ á re yii a lon ka dɔn wɔ paǹ li.