Zeremii 31:23 - LAWA A BOO SONBORE

²³ Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

LAWA A BOO SONBORE 2011

²³ Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 31:23 ပူးပေါင်းရင်းမြစ်များ

Loen 128:5

Dɛnaa Lawa die a n toa a kion *Siɔn kele la, a barka da n ganaa. N tá re Zeruzalɛmu a màndɛnaabaa yii n yiikoonaabaa tumaa gɔ́ɔ̃ nɛ.

Loen 129:8

Kiɛ̃ wolen ba pii mà Dɛnaa Lawa die a barka da ka ganaa wa. Wɔ n barka diɛ ka ganaa ka Dɛnaa Lawa tɔ nɛ.

Loen 134:3

Dɛnaa Lawa mɛn bɛ́ á lon laanka tán zɛnaa, a dɔ die a n toa *Siɔn kele la, a barka da ka ganaa.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 1:26

Ma á re toɛ n kiri-wɔlen kɛn nə goã ka lɛlɛ ǹ wɔn bɛ́ lɔn, n sii yɔrɔ-bɔlen nə ǹ lɛlɛ ǹ giã ǹ gɔn saa. Bɛ kio kəni, ǹ tá re n bíi "kiwi pepere", "kiwi bɔlɔgoondɛnaa".

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 32:16

Bɛa biikoo li, sonborebaa á re yii diə gole ne, peperebaa á re giɛ̃ da nɛ-kɔle wuru-n.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Uruti 2:4

Bɛ kio, Boazi bɔ Bɛtlehɛmu á daa, á pɛ ɔrzi-kurulin lɛn manɛ: «Dɛnaa Lawa die a goã kun ka niɛ» Ǹ ná a lɛ si: «Dɛnaa Lawa die a barka da n dɔ ganaa.»