Zeremii 31:22 - LAWA A BOO SONBORE

²² Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

LAWA A BOO SONBORE 2011

²² Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Zeremii 31:22 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 2:18

Sisia kəni, n wo Ezipti là n ka wàa nɛ, N wo Niili tà mi? Ma nə́ n woo Asiirii là n wàa nɛ, Ma nə́ n woo Efrati tà mi?

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 2:36

A n siɛ lɔn n tá ziin lon koe n mìi gialaa? Sɛnɛ, Ezipti dɔ n die n foo ziziɛ̃ ka Asiirii bɛ́ lɔn lɛlɛ.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 3:4

Kanna kəni, ma nə n lɛ dii masɛ ganaa n nə́ pii: «Maa díi, maa tenmaa waáraa a giaára!»

Zeremii 3:6

Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 49:4

Rabaa, nɛlɔ piã-wole, ma nə́ n goã n din koɛ n nyankɔrɔ basan kɛn taman yii, ka n kaa-piɛ màn sonboren kɛn nɛ! Ma nə́ n goã n foo doɛ n naforon ganaa, bɛ̀ n tá pii: «Die doe ne a yoo ma gialaa?»

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Ozee 8:5

Samarii minin lɛn, kaa diin nɛ nyín kɛ lɛ, ma ba li wa. Bɛ lɛ na á toa ma foo yoo ka li. Yǎa biĩ kəni, ka tɔn goɛ̃ zɛrɛbaãdɛnan lɛa?

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Minin nimi 16:30

Sɛnɛ, bɛ̀ Dɛnaa Lawa kaãbaa sii zɛnaa, tán nə́ n lɛ bũ, á ǹ mui kɔnlɛ ka màn mɛn tumaa bɛ́ ǹ wɔ lɛa, yǎa ǹ wo geren piɛ ǹ yii n koo, ka tá re doɛ̃ kəni mà bɛa minin kɛn man nə́ n yii wɔ Dɛnaa Lawa la.»

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Galaasi minin 4:4

Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,