Zeremii 31:21 - LAWA A BOO SONBORE

²¹ Mànan wɔ tán n zii lɛkoro-a, mànan mɛnɛn bɛ́ a lɛ dan nyɛɛ foaãnɛ. N zii mɛn saa, yiri bɔ li, zii ke n ta la, yiri bɔ li. Izirayeli a zaman, ka n bɔyaa ka daa. Ka n bɔyaa ka da kaa kiwin ni.

LAWA A BOO SONBORE 2011

²¹ Mànan wɔ tán n zii lɛkoro-a, mànan mɛnɛn bɛ́ a lɛ dan nyɛɛ foaãnɛ. N zii mɛn saa, yiri bɔ li, zii ke n ta la, yiri bɔ li. Izirayeli a zaman, ka n bɔyaa ka daa. Ka n bɔyaa ka da kaa kiwin ni.

Zeremii 31:21 ပူးပေါင်းရင်းမြစ်များ

KZS2 11:16

Izirayeli tɔrɔn tumaa bii, minin mɛnɛn bɛ́ giɛ Dɛnaa Lawa, Izirayeli a Lawa li, ka ǹ foo tumaa nɛ, bɛn dɔn nə́ wúlu mànan kɔ Dɛnaa Lawa, ǹ digolon Lawa la Zeruzalɛmu.

KZS2 20:3

Nyɛ́ɛ Zozafati kũ, á n bɔyaa á ga Dɛnaa Lawa li. Á pɛ Zudaa min tumaa nɛ mà ǹ nə n lɛ sɔɔ.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Loen 84:5

Min mɛnɛn bɛ́ giã nɛ n kion kɛ nɛ, bɛn wɔ na á bǐɛ̃ kɔ, ǹsɛn bɛ́ boe la ǹ tá loe loe, n tɔ boe biikoo tumaa li. *Doa.

Suusun 24:32

Bɛa siin lɛn má ǹ yɛ, má taasiɛ wɔ ǹ ganaa, má doroo goon gũ ma yiri ni:

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 57:14

Dɛnaa Lawa pɛ: Ka zii zɛnaa fufuu, ka zii bɔ. Màn mɛn tumaa bɛ́ min nə boe la a n gòã na a ganaa, ka bɛ bɔ ka bɔ maa zaman a zii la.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 46:11

Ezipti minin, ka yoo ka wo Galaati gána nɛ, ka ga nyɔɔ li, ka lɔ kaa busulɛn ganaa. Sɛnɛ là ba a ganaa ka dagòã gigiã si kooro wa. Kaa busulɛn lɛn ba nyɛɛ wa.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Ezekieli 40:4

Giĩ lɛ nə n toa ma ganaa kɛnɛn: «Minbuiin a nɛ, ga doɛ̃, n too dɔ kɔ doɛ̃. Ma bɛ́ re màn mɛn tumaa nyɛɛ n nɛ, n yiri kɔ bɛ li taãn-taãnɛ. A giala, Lawa n giɛ li a sii nyaa n nɛ, bɛ lɛ na á toa á daa ka n nɛ bǎã kɛ lɛ nɛ. N bɛ́ re màn mɛn tumaa yii, n die n bɛ laakalaa Izirayeli tɔrɔn lɛn manɛ.»

Azee 1:5

Kanna kəni masɛ Dɛnaa Lawa Pàãyiidɛnaa n pii: Sii mɛn bɛ́ ka yii, ka ǹ taasɛ bɛ-a taãnɛ.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Timəə dí-pɛn 32:46

á pɛ ǹ nɛ: «Ma boon mɛnɛn tumaa pɛ ka-n pelo, ka ǹ kũ ka parsiini. Ka dɔn die ka pɛ ka laa kaa nɛnyaanan ganaa, màn mɛn bɛ́ toɛ, ǹ nə n yiri koa dí-pɛ kɛ lɛ a boon tumaa li ǹ kɔ ǹ lɛ.