Zeremii 31:20 - LAWA A BOO SONBORE

²⁰ Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

LAWA A BOO SONBORE 2011

²⁰ Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:20 ပူးပေါင်းရင်းမြစ်များ

Siin Giala 43:30

Zozɛfu bɛ́ á n diɛ̃ lɛ yɛ, a sii wɔ a ganaa parsiini, wuu-pɛ sii goã a ganaa. Á n nanaa á woo a din a waa ǹ kion, á wuu pɛ walan.

Kiin1 3:26

Lɔ lɛ mɛn a nɛ bɛ́ n ka nɛ yiikoonaa lɛ nɛ, a nɛ lɛ a sii ná a gɔ́ɔ̃ wɔ̃ parsiini, á pɛ kii lɛ-n kɛnɛn: «Bǐɛ̃ kɔ, maa dɛnaagiĩ! Nɛ yiikoonaa lɛ kɔ ma miã lɛ la, ǹ baran dɛ wa!» Sɛnɛ, lɔ goon kɛ lɛ sɛ na á goã pii: «Nɛ yiikoonaa lɛ ba re masɛ wɔ biɛ wa, a ba re ma miã lɛ dɔ wɔ biɛ wa! Ka na kɔn paa!»

Loen 103:13

Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Suusun 3:12

Sonbore, Dɛnaa Lawa bɛ́ min mɛn narɛ, a n bɛa dɛnaa doree ka díi bɛ́ a foo nɛ doree lɔn.

Loe kɔɔ̃n kɔɔ̃n 5:4

Ma din foo dùũ wɔ lɛ nə́ n gɔn wɔ kiɛnlɛ koo ne, á foo kɔɔ̃n kɔ gole kɔ ma la.

Izayii 16:11

Bɛ lɛ taman yii, ma foo á ziziɛ̃ nɛ Moabu a paǹ li. Maa ginii n ka tùtu wuu bɛ́ lɔn. Man gini Kiiri-Herɛsi la.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 48:36

Bɛ lɛ nɛ ma á gini Moabu la, maa ginii n ka pìi bɛ́ lɔn, man gini Kiiri-Erɛsi la, maa ginii n ka pìi bɛ́ lɔn: Ǹ naforo mɛn yii sɔkɔn, a yii bɔ̀n baa.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Lawa a wúlu-bɔlen 26:44

Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.

Luku 15:24

A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Filipi minin 1:8

Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.