Zeremii 31:12 - LAWA A BOO SONBORE

¹² Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

LAWA A BOO SONBORE 2011

¹² Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 31:12 ပူးပေါင်းရင်းမြစ်များ

Loen 130:4

Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Izayii 1:30

Ka n die goɛ̃ ka da mɛn bɛ́ a luu kaa, ka dù gɔrɔ mɛn nə́ ke mu nyaabaa a ganaa.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 60:20

N wasa á re miɛ wa. N mui a re n yii siɛ̃ wa. Taãn nɛ, masɛ Dɛnaa Lawa n die goɛ̃ n tɛ fúlu lɛa dan ná a ba la wa. N gɛ̀ koa biikoo á re nyɛɛ.

Izayii 65:19

Ma foo á re kɔɔ̃n koe Zeruzalɛmu taman yii, Man die n nyɛnyɛɛ maa zaman a lɛa. Wuu laanka gú diɛ lɛ a re boe doo wa.

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 31:24

Bɛa biikoo li kəni, Zudaa kiwi minin laanka a kiwi dadara minin ni, a buu-kɔsɔlin laanka a tɔɔ-lɛduə̃lin ni, ǹ tumaa á re giɛ̃ gána lɛ-n kun.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 31:6

Ǹ kɔn pinaa, wɔlɔ-lɛduə̃lin tá re n lɛ dii Efrayimu kele la ǹ pɛ: Ka yoo wɔ n ta *Siɔn, Dɛnaa Lawa wɔa Lawa li!

Zeremii 31:7

Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 32:15

Dɛnaa Lawa Pàãyiidɛnaa Izirayeli a Lawa n kɛ pii: «Gána kɛ nɛ, minin tá re wusii ǹ kionən pii, wurun ni, ka rezɛ̃ wurun ni.»

Zeremii 33:12

Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

Zeremii 33:13

Kele yii kiwin kɛn nɛ ka *Sefelaa wɔn nɛ, Negɛvu kiwin ni, Bɛnzamɛn kiwin ni Zeruzalɛmu lɛkoro-a kiwin ni ka Zudaa kiwin ni, sèren laanka bòen tá re wusii ǹ kiɛ̃ ǹ nimii wole yɔrɔ-a.» Dɛnaa Lawa na á pɛ.

Ezekieli 17:23

Man die zumi Izirayeli a kele sasa kɛ goon mìi ni. Á re gùrùn boe a nɛ kɔ, á re da kaka biɛ gole gole. Bàan tɔrɔ tumaa á re kiɛ la, ǹ tá re ǹ kii doe a gùrùn la.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 34:14

Ma á re woe ǹ kiɛ buu ganaa buu bǎã sonbore ne. Ǹ zìã n die goɛ̃ Izirayeli gána a kelen kɛn la. Maǹ die goɛ̃ walan ǹ waa bǎã sonbore ne, ǹ buu kɛkɛ sɔ̃ Izirayeli gána a kelen kɛn la.

Ezekieli 36:30

Ma á re toɛ kaa dan nə nɛ gigiã kɔ, màn gigiã yɛ kaa wuru dí ni, màn mɛn bɛ́ toɛ, sìi nyan ka kũ tɔrɔn bii doo bòo taman yii wa.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Azee 2:19

Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Zaã a sɛ́wɔ 16:22

Ka dɔn yɔrɔ n kɔsiɛ-n miɛ̃ sisia; sɛnɛ, wɔ á re wusii wɔ kɔn yɛ, ka á re n nyɛnyɛɛ bɛa pinaa, màn kɔ́n dɔ a re boe la, a bɛa nyɛnyɛɛ kɛ bɔ a bɔ ka foo-n wa.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»