Zeremii 31:11 - LAWA A BOO SONBORE

¹¹ Dɛnaa Lawa Zakɔba a minin kirisibaa. Zɔ́ɔ mɛn pàã bɛ́ á la ǹ nɛ, á ǹ si bɛ la, á ǹ kaa.

LAWA A BOO SONBORE 2011

¹¹ Dɛnaa Lawa Zakɔba a minin kirisibaa. Zɔ́ɔ mɛn pàã bɛ́ á la ǹ nɛ, á ǹ si bɛ la, á ǹ kaa.

Zeremii 31:11 ပူးပေါင်းရင်းမြစ်များ

Loen 142:6

Dɛnaa Lawa, ma nə n lɛ dii n din-a: Yiikoonaan kanaa kɛ nɛ, ma bɛ́ giɛ màn mɛn li, n din ni, maa duru ǹ bǎã lɛ, n din ni.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 49:24

Zia-baali màn mɛn si zia la, die n boe la a bɛ si la doo? Die n boe la a kòso nɛ gɔsɛ pàã-zɛnaali gɔn?

Izayii 49:25

Dɛnaa Lawa a lɛ si ǹ boo á ke: Hiĩ, sàabaa ba la wa. Ma á re zia-baali a kòso nɛ lɛ gɔsiɛ a gɔn, zia-baali mànan mɛnɛn si zia la, ma á re bɛn sii la. Minin mɛnɛn bɛ́ zia biɛ n ganaa, ma din nə die yui bɛn gialaa, ma n nɛnyaanan kirisibaa.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Zeremii 15:21

Ma á re n gɔsiɛ ma n bɔ min baraan gɔn, ma n kanbaa min kakaarɛn pàã ganaa.

Zeremii 50:33

Dɛnaa Lawa Pàãyiidɛnaa n kɛ pii: Maǹ nə́ Izirayeli laanka Zudaa minin yɔyɔrɛ ka kakaarɛbaa nɛ. Ǹ goa wolen manə n gɔn parɛɛ ǹ ganaa, maǹ nə n piɛ̃ mà ǹ ba n gɔn boe ǹ ganaa wa.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Busii pɛ 3:58

Dɛnaa Lawa, ń ma kirisibaa, ń ma nyin si.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Zakarii 9:16

Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.

Matiə 12:29

«Min kɔ́n ba we min kaka a kion, a na a gɔn mànan goa, bɛ̀ a ná a na a din yii bɔrɔ á da tán wa. Bɛ̀ á yii ǹ mɛn waáraa, á boe la a na a kion màn din tumaa goa.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 22:29

Yezu tɔ́n pɛ ǹ nɛ: – Ka sã á la yii ni. A giala ka a Lawa a boo giala miɛ wa, ka a doɛ̃ dɔn mà pàã tá Lawa lon wa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.