Zeremii 31:10 - LAWA A BOO SONBORE

¹⁰ Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

LAWA A BOO SONBORE 2011

¹⁰ Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 31:10 ပူးပေါင်းရင်းမြစ်များ

Siin Giala 10:5

Ǹ dinin lɛn tɔrɔn man kɛn nɛ ǹ nə́ n nana kɔn, ǹ nə́ giã kɔ̀ mu lɛ-a ǹ nɛ. Ǹ nə́ tɔrɔn baa, didie n giã nɛ a din a gána nɛ, a din a kiwi, a din a bɔlɔ pii.

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Loen 23:1

Davida a loe n ke. Dɛnaa Lawa n ma lɛduə̃li lɛa, màn kɔn ba re nyaabiɛ ma ganaa wa.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Suusun 27:23

Ga n sèren lɛn gogoomaa ganaa sonbore-a nɛ, n nə n yiri kɔ n sère kuru li,

Izayii 24:14

Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 27:12

Bɛa pinaa, Dɛnaa Lawa á re *belee duwii, a saa Efrati tà ganaa, a wo yǎa Ezipti tà gòã nɛ. Kasɛn Izirayeli minin, a n die ka goɛ gogoon ka belee mìi bɛ́ lɔn.

Izayii 40:1

Kaa Lawa pɛ: Ka maa zaman lɛ foo doa, hiĩ ka maa zaman lɛ foo doa.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 41:1

Dɛnaa Lawa pɛ: Kasɛn, gánan kɛn mu ka da bii, ka giã kiĩni ma yɔrɔ-a, ka n too kɔ ma lon Kasɛn, tɔrɔn tumaa, ka n we yii. Ka n zɔ̃ ka dɔ ka boo da. Ka wɔ n ta kiri wɔ ǹ bǎã-n kun.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Zeremii 23:4

Ma á re lɛduə̃li sonboren koɛ ǹ mìi la. Nyɛ́ɛ a re maa sèren lɛn kuĩ doo wa, ǹ nyin ba re soe doo wa, ǹ kɔn dɔ ba re nyaabiɛ duduu wa. Dɛnaa Lawa a da ǹ boo ne.

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 3:15

Lɛduə̃lin mɛnɛn bɛ́ ma dùũ lɛa, ma á re bɛn koe ka la. Ǹ tá re ka nyɛɛnaan boe ka yiridɛnaabaa laanka sii-doɛ̃ nɛ.»

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 50:19

Man die wusii ma wo ka Izirayeli ni a lɛduə̃ ǹ bǎã nɛ. Karmɛli kele la, Basan a wuru bǎãn nɛ, Efrayimu a kele yiin ni, ka Galaati gána nɛ, á re màn-bii yii a bii, a kã.

Ezekieli 11:16

Bɛ lɛ taman yii, Dɛnaa Lawa mà ma kɛ pɛ ma nyaa goa wolen lɛn manɛ: Má woo ka nɛ tɔrɔ kɔsɔn bii sɔsɔɔ, má ka pɛsɛ̃ gána kɔsɔn nɛ, a laan bɛ yii ni, ma á kun ka nɛ walan, ka maa kion kɛ n kun ka ka nɛ.

Ezekieli 20:34

Ma goã má ka pɛsɛ̃ gánan mɛnɛn nɛ, tɔrɔn mɛnɛn bii, ma á re maa foo-yoo kɛ nyɛɛ ka nɛ, ma tɔn ka waa bɛn bii ka pàã laanka boo sii la nɛ, ma ka sɔkɔn.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 4:6

Dɛnaa Lawa a da ǹ boo á ke: «Bɛa pinaa kɛ lɛ nɛ, wɔ̀lɔ̀ goã ǹ mɛnɛn lɛn ganaa ka sère busulən bɛ́ lɔn, ma á re bɛn soekɔn. Ǹ goã ǹ nə́ ǹ mɛnɛn loo, ǹ nə́ woo ǹ ne, ma fuu nyaa ǹ mɛnɛn lɛn manɛ, ma á re wusii ma ǹ si.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Zakarii 10:8

Man die maa zaman bíi, ka lɛ pii ni, ma ǹ sɔkɔn. Taãn nɛ, man die ǹ sii ma ǹ kaa, ǹ mɔnaa ka lɛlɛ ǹ bɛ́ lɔn.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Zakarii 9:16

Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Timəə dí-pɛn 30:4

Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.