Zeremii 30:8 - LAWA A BOO SONBORE

⁸ Dɛnaa Lawa Pàãyiidɛnaa a da ǹ boo á ke: «Ǹ kɔn pinaa, ma á re ǹ sii ma ǹ bɔ pàã kɛ gɔn, ke ǹ wìi li ka zǔu bɛ́ lɔn. Ma á re ǹ zɔrɔkan kɛn niɛ̃ ma bɔ ǹ ganaa. Bɛa waáraa kəni, ǹ ba re bɛ̀rɛn biɛ tiin gɔn wa.

LAWA A BOO SONBORE 2011

⁸ Dɛnaa Lawa Pàãyiidɛnaa a da ǹ boo á ke: «Ǹ kɔn pinaa, ma á re ǹ sii ma ǹ bɔ pàã kɛ gɔn, ke ǹ wìi li ka zǔu bɛ́ lɔn. Ma á re ǹ zɔrɔkan kɛn niɛ̃ ma bɔ ǹ ganaa. Bɛa waáraa kəni, ǹ ba re bɛ̀rɛn biɛ tiin gɔn wa.

Zeremii 30:8 ပူးပေါင်းရင်းမြစ်များ

Loen 107:14

Á ǹ bɔ wɔlɔ tì li, wɔlɔ tì biribiri li, á ǹ fɔlɔ biɛn fore á ǹ bɔ ǹ ganaa.

Izayii 10:27

Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 14:25

Ma á re Asiirii minin pàã nyɛɛ maa gána nɛ. Ma á re ǹ yɔyɔrɛ maa kelen kɛn la. Ǹ pàã ke maa zaman wìi li ka zǔu bɛ́ lɔn, ma á re bɛ siɛ ma bɔ ǹ la. Ǹ guĩ guguru ke maa zaman kɔrɔn, ma á re bɛ gisĩ.»

Izayii 14:3

Izirayeli, ǹ kɔn pinaa, Dɛnaa Lawa á re susui koe n la n nɔmaa damata kɛ laanka n bɛ̀rɛbaa kɛ kio.

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 25:14

Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

Zeremii 27:2

– Dɛnaa Lawa màn mɛn pɛ ma nɛ á ke: «Ki ma, n gɔnɔn sɛlɛ, n zǔun zɛnaa. Bɛ kio, n nə ǹ kaa n wìi li.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 28:10

Zǔu mɛn lɛ bɛ́ Lawa a boo gii-dali Zeremii bɔlɔ-a, Lawa a boo gii-dali Anania bɛ si á yiɛ.

Zeremii 28:13

– Wo pɛ Anania nɛ mà Dɛnaa Lawa n kɛ pii: «Zǔu gɔndɛnaa ke ń yiɛ, ń tá re zǔu fɔlɔdɛnaa diɛ a bǎã nɛ!»

Zeremii 28:4

A Zozakimu a nɛgiĩ Zudaan kii Yekonia laanka min mɛnɛn tumaa goa á woo ǹ ne Baabilonii, ma á re wusii ma da ǹ nɛ kànaa. Baabiloniin kii a pàã ke ka wìi li ka zǔu bɛ́ lɔn, ma á re bɛ yiɛ ma bɔ ka bɔlɔ-a. Masɛ Dɛnaa Lawa a da ǹ boo ne.»

Ezekieli 30:18

Bɛ̀ má Ezipti minin pàã kɛ ziziɛ̃ ǹ mɛn pinaa, wɔlɔ a re fúli Tapanɛsi bɛa pinaa wa. Ǹ pàã mɛn lɛ á ke toɛ ǹ tá n dinin gole koe, ma á re bɛ lɛ nyɛɛ ma bɔ kiwi lɛ nɛ. Labara tì á re n kumii kiwi lɛ ganaa, bǎã lɛ a minin tá re woe bɛ̀rɛbaa ǹ bǎã nɛ.

Ezekieli 34:27

Wuru gɔ́ɔ̃ dan tá re nɛ koe, tán tá re bǐɛ̃ koe. Maa zaman lɛ á re giɛ̃ ǹ gána nɛ, ǹ yiri n bǎã goon ne. Ma á re ǹ sii nɔmaa la. Min mɛnɛn bɛ́ boe ǹ yii ni, ma á re ǹ sii bɛn la. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Nahumu 1:13

Sisia kəni, ma ka si kaa zɔ́ɔn la, ma fɔlɔ biɛn kɛn na ma ǹ bɔ ka-a.»