Zeremii 30:3 - LAWA A BOO SONBORE

³ Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

LAWA A BOO SONBORE 2011

³ Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 30:3 ပူးပေါင်းရင်းမြစ်များ

Ɛsidrasi 3:1

Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

Ɛsidrasi 3:12

Sɛnɛ Lawa a wúlu-bɔlen bii, Levii tɔrɔn bii, kɛdɛnaa yii fuli-an bii, ǹ mɛnɛn nə goã ǹ nə́ lɛlɛ a kion lɛ yɛ, bɛn gigiã wuu pɛ kəə̃kəə̃ ne, bɛ̀ ǹ tá a gialaa kion lɛ a kɛ gòã daɛ ǹ yii-n bii-a. Sɛnɛ, gigiã dɔ goã foo kɔɔ̃nbaa ǹ lɛ-dɛ we.

Ɛsidrasi 3:8

Bɛ kio, ǹ dɔ lɛ̀ paa a mui a paabaa ǹ wɔ Lawa a kion lɛ li Zeruzalɛmu, Salatieli a nɛgiĩ Zorobabeli ni, ka Zozadaaki a nɛgiĩ Zozoe ne, kun ka ǹ dinin miã Lawa a wúlu-bɔle gialakunun ni, *Levii tɔrɔn nɛ, ka min mɛnɛn nə bɔ bɛ̀rɛbaa ǹ bǎã nɛ ǹ nə́ daa Zeruzalɛmu, ǹ nə́ dí lɛ giala kɔ. Levii tɔrɔn min mɛnɛn nə dɔ lɛ̀ fuə, ka lɛ̀ fuə ka kio ne, ǹ nə́ bɛn kaa Dɛnaa Lawa a kion dí lɛ a ga ma walan ganaa.

Loen 126:4

Dɛnaa Lawa, wusoo n da n dɔ wɔa minin lɛn lɛ, ka mu bɛ́ wusii á die pɛrɛ gɔ́ɔ̃ gere basɛ̃ lɔn.

Loen 53:6

Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

Zeremii 16:15

Sɛnɛ, ǹ tá re pii: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn Izirayeli minin waa gɔsɛ a lɛ̀gɔn la gána nɛ ka gána kɔsɔn kɛn nɛ á goã á ǹ pɛsɛ̃ ǹ nɛ.» Hiĩ, ma gána mɛn kɔ ǹ digolon la, ma á re wusii ma da ǹ nɛ walan.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 27:11

Sɛnɛ, bɛ̀ tɔrɔ mɛn lɛ kɔ Baabiloniin kii a zǔu kɛ ganaa á dí nya nɛ, man die bɛa tɔrɔ lɛ toɛ a gána nɛ, ǹ na ǹ tán kɔsɔ, ǹ giã a nɛ. Dɛnaa Lawa a da ǹ boo ne.»

Zeremii 27:22

«Bɛa mànan lɛn tumaa tá re n goɛ, ǹ wo ǹ ne Baabilonii gána nɛ. Maǹ die goɛ̃ walan, yǎa ǹ mɛn pinaa bɛ̀ ma yiri daa ǹ nɛ, má n die ǹ ne kànaa.» Dɛnaa Lawa a da ǹ boo ne.

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 30:4

Dɛnaa Lawa boon mɛnɛn da Izirayeli laanka Zudaa a paǹ li, bɛn nə́ ke:

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 31:31

«Ǹ kɔn pinaa, man die lɛ kɔ kɔn la dii we ka Izirayeli minin laanka Zudaa minin ni. Dɛnaa Lawa a da ǹ boo ne.

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Ezekieli 20:42

Bɛ̀ má daa ka nɛ Izirayeli tán la ǹ mɛn waáraa, gána kɛ nɛ, ma goã má n liɛ má ma á re koe ka digolon la, ka á re doɛ̃ bɛa waáraa, mà ma din nə Dɛnaa Lawa lɛa.

Ezekieli 34:13

Ma á re ǹ wɛɛ ma ǹ bɔ tɔrɔn bii, ma á re ǹ wɛɛ ma ǹ bɔ gána kɔsɔn nɛ, ma ǹ sɔkɔn, ma da ǹ nɛ, ǹ dinin gána nɛ. Ma á re ǹ kiɛ buu ganaa Izirayeli gána a kelen kɛn la, nyankɔrɔ basan kɛn nɛ, ka gána lɛ a bǎã mɛn tumaa bɛ́ min nə́ boe la a n giɛ̃ a nɛ.

Ezekieli 36:24

«Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ.

Ezekieli 47:14

Gána lɛ á die kaa wɔ biɛ. Sɛnɛ, ka gii kɔn, ka tumaa wɔ goã goon. A giala, man má liɛ wɔ ka digolon manɛ, máa ma á re gána lɛ koe ǹ la. Sonbore, gána lɛ á re doe ka ganaa, a kaa wɔ baa.

Zowɛli 3:1

Bɛ kio kəni, ma á re ma yiri koe min tumaa la. Kaa nɛgiĩ laanka kaa nɛlɔn tá re maa boo gii diɛ. Ma á re boo diɛ kaa min gole manɛ ka narɛɛn nɛ, ma á re boo diɛ kaa nɛ tenən manɛ ka sii yɛn nɛ.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Luku 17:22

Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa.

Luku 19:43

A giala lɛawaan tá re die, n zɔ́ɔn tá re n lɛnpɛnɛ, ǹ nə n yɔrɔ bɔ taãn-taãnɛ, ǹ nə n lɛ gɛwaa n paǹ din tumaa ganaa.

Luku 21:6

«Lɛawaan tá re die, ka yii bɛ́ kion mɛn-a ke lɛn, a kɔlɔ kɔ́n ba re goɛ̃ ǹ miã lalan wa. A din tumaa á re kiɛ.»

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 30:5

Ka digolon nə goã gána mɛn lɛ nɛ lɛlɛ, á re wusii a da ka ka-n walan, á re kaa wɔ biɛ. Á re bǐɛ̃ zɛnɛɛ ka nɛ, a ka mɔnaa a la ka digolon kɛn manɛ.

Ebrəə 8:8

Sɛnɛ, Lawa ná a din a tɔrɔ lɛ a sãn pɛ kɛnɛn: «Lɛawaan tá die, ma din Dɛnaa n pii, ma á re lɛ kɔ kɔn la dii we, ka Izirayeli tɔrɔ minin kɛn nɛ, ka Zudaa tɔrɔ minin kɛn dɔn nɛ.